22.Ажьырныҳәа.2024
Иҷыдоу аҭагылазаашьақәа рзы Аминистрра аусзуҩцәа Донбасс иҭахаз Владимир Харабуа иԥсыбаҩ Аԥсныҟа иааргоит.
Аҟәа. Ажьырныҳәамза 22, 2024 шықәса. Аԥсныпресс. Аԥсны Иҷыдоу аҭагылазаашьақәа рминистр, Урыстәылатәи Афедерациа иҿыцу арегионқәа рҿы Аԥсны Аҳәынҭқарра Ахада азин ҷыда змоу ихаҭарнак Лев Кәҵниа напхгара зиҭо Аԥсны аиқәырхаратә Хылаԥшырҭа аусзуҩцәа ргәыԥ Донбасс ахақәиҭтәразы иҭахаз аԥсуа еибашьҩы Владимир Харабуа иԥсыбаҩ иԥсадгьыл ахь аагаразы Донецктәи Жәлартә Республика ахь амҩа иқәлеит.
