31-января-2023

СТАЛИНГРАДТӘИ АЖӘЫЛАРА АҾЫ АИААИРА АГАРА 80- ШЫҚӘСА АХЫҴРА ИАЗКУ АГӘАЛАШӘАРАТӘ УСМҨАԤГАТӘҚӘА АҞӘА АҚАЛАҚЬ АҾЫ ИМҨАԤЫСРАНЫ ИҞОУП.

Аҟәа. Ажьырныҳәамза 31, 2023 шықәса. Аԥсныпресс. Сталинградтәи ажәылара аҿы асовет еибашьцәа рыла анемец-фашистцәа рықәгара аналыршаха Амш 80-шықәса ахыҵра аҳәаақәа ирҭагӡаны,Аԥсны иҟоу Урыстәыла аус ацура Ахаҭарнакра жәабранмза  1 - 3 рзы имҩаԥысраны иҟоу аныҳәатә гәаларшәагатә усмҩаԥгатәқәа рыпрограмма еиқәнаршәеит.

Аусмҩаԥгатәқәа реиҿкаареи рымҩаԥгареи иалахуп В.Г. Арӡынба ихьӡ зхзу Арратә Ахьӡ-аԥша амузеи. Убри аан адгылара ҟарҵоит Аԥсны иҟоу Урытәылатәи Афедерациа Ацҳаражәҳәарҭеи Аҟәа ақалақь Ахадареи.  

Акультуратә, арккаратә, апатриоттә акциақәа рымҩаԥгара аҳәаақәа ирҭагӡаны еиҿкаахоит «Афырхаҵара аурокқәа», В.Г.Арӡынба ихьӡ зху Арратә Ахьӡ-аԥша амузеи алархәны аҭоурыхтә квест, иара убас Идырым Асолдаҭ ибаҟа амҵан ашәҭ шьыҵәрақәа рышьҭаҵара ацеремониа мҩаԥгахоит.

Идырым Асолдаҭ ибаҟа амҵан ашәҭ шьыҵәрақәа рышьҭаҵара иазку ацеремониа мҩаԥгахоит жәбранмза 2, асааҭ 10:00 рзы.

Аиубилеитә рыцхә азгәаҭаразы ааԥхьара рыҭоуп Аԥсны азакәанԥҵаратәии анагӡаратәии аусбарҭақәа рхаҭарнакцәа, Аԥсны иҟоу Урыстәылатәи Афедерациа Ацҳаражәҳәарҭа, ауаажәларратә усзуҩцәа, Аԥсны иҟоу аурысцәа Реидгылара (КСОРС) ахаҭарнакцәа, Аҟәа ақалақь аҵараиурҭақәа, аҿартә еиҿкаарақәа.


Прочитано 777 раз
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.