Аҟәа. Ажьырныҳәамза 31, 2023 шықәса. Аԥсныпресс. Аԥсны аиустициа Аминистрра ақәыршаҳаҭрала Аҳәынҭқарратә шәарҭадара Амаҵзура аусзуҩцәа аӡбаратә нагӡаҩцәа Рмаҵзура аусзуҩцәа рганахьала азакәан еилазго ауснагӡатәқәа рымҩаԥгара аԥхьырҟәҟәаара азы аоперативтә информациа аҳәаақәа ирҭагӡаны, аӡбаратә нагӡаҩцәа Рмаҵзура аҿы агәаҭарақәа мҩаԥыргоит.
Аӡбаратә нагӡаҩцәа Рмаҵзура анапхгаҩы аиустициа аминистр аҳәынҭқарратә шәарҭадара Амаҵзура аусзуҩцәа имҩаԥырго апроцессуалтә уснагӡатәқәа рзы адырра ииҭеит.
Аиустициа Аминистрра аҳәынҭқарратә шәарҭадара Амаҵзура аусзуҩцәа имҩаԥырго агәаҭарақәа рҿы иахәҭоу ацхыраара нагӡаны ирынаҭоит.
