Аҟәа. Жәабранмза 3, 2023 шықәса. Аԥсныпресс.  2023 шықәса,   ажьырныҳәамза азы ареспубликатә биуџьеҭ иалагалахаз ашәахтә шәатәқәа реицҵалыҵ 247,2 млн. мааҭ рҟынӡа инаӡеит. Убри аан аплан ала ишьақәырӷәӷәаӷәан 185,8 млн. мааҭ., - ҳәа адырра ҟанаҵоит ашәахтәқәеи аизгақәеи рзы Аминистрра аофициалтә саит. Азԥхьагәаҭатә рбагақәа рынагӡара 133% рҟынӡа инаӡеит. Фактла иалагалахаз ашәатәқәеи планла иазԥхьагәаҭаз ашәатәқәеи реицҵалыҵтә еиԥшымзаара – 61,4 млн. мааҭ рҟынӡа инаӡоит. 2022 шықәсазы аиԥш зеиԥшу аамҭахәҭа иаҿырԥшны уахәаԥшуазар, алагалара адинамика 135% рҟынӡа инаӡеит, уи аицҵалыҵ ааизакны – 63,8 млн. мааҭ рҟынӡа инаӡоит.

2023 шықәса ажьырныҳәамза иалагӡаны ашәахтә шәатәқәа ралагалара араионқәа рыла абас иҟоуп:

Аҟәа ақалақь ала – 102,3 млн. мааҭ  рыла ишьақәыргылоу аплан ала иалагалахеит 128,3 млн. мааҭ, мамзаргьы даҽакала иуҳәозар –125% рҟынӡа инаӡоит.

Аҟәа. Жәабранмза 3, 2023 шықәса. Аԥсныпресс. Жәабранмза 3 рзы атәыла аҩныҵҟатәи аусқәа рминистр Вальтер Быҭәба аҳәынҭқарратә автоинспекциа аусбарҭа аколлектив дыдирдырит анапхгаҩы инапынҵақәа рынагӡаҩыс иҟаҵоу Родик Базба.  

«Шәара зегьы ибзианы дыжәдыруеит Родик Виктор-иԥа, уи 20-шықәса инареиҳаны аҩныҵҟатәи аусқәа Рминистрра асистема аҿы аус иухьеит.  Шәара зегьы шәҟынтәи сара сазыԥшуп ламысцқьала, ҳәоуеиқәшәарала аусура.  Иазгәасҭарц сҭахуп, Баҭал Агрба аҩныҵҟатәи аусқәа Рминистрра асистема аҿы даанхоит сара сыцхырааҩ иаҳасабала, уи ҳаԥхьаҟагьы шәусура аҿы ацхыраара шәиҭалоит», - ҳәа инаҵшьны иазгәеиҭеит аминистр Вальтер Быҭәба.

Аҟәа. Жәабранмза 3, 2023 шықәса. Аԥсныпресс. Атәылахьчара Аминистрра иатәу азеиԥшарратә хысырҭа «Нагвалоу» аҿы иҷыдоу атактикатә ҽазыҟаҵарақәа мҩаԥысуеит. Араҟа артиллериатә, атанктә, амотохысратә ҟәшеиҵақәа   русура аметод ҿыцқәа аус рыдулара мҩаԥгахоит, ҳәа адырра ҟанаҵоит атәылахьчара Аминистрра апресс-маҵзура. 

Аҟәа. Жәабранмза 3, 2023 шықәса. Аԥсныпресс.  Ажьырныҳәамза 2023 шықәса рзы аҳазылхратә шәатәқәа реицҵалыҵ  183,1 млн. мааҭ рҟынӡа инаӡеит. Ажьырныҳәамза  2023 шықәсазы ишьақәырӷәӷәаз аплан 111% рыла инагӡоуп, ҳәа адырра ҟанаҵоит аҳәынҭқарратә ҳазылхратә Еилакы апресс-маҵзура.

Аҟәа. Жәабранмза 3, 2023 шықәса. Аԥсныпресс. Аԥсны апрокурор Хада Адгәыр Агрба Аԥсны Аконтитуциа ахәҭаҷ  46 инақәыршәаны, азакәанԥҵаратә инициатива иашьашәаланы, Жәлар Реизара-Апарламент ахь идәықәнаҵеит «Аԥсны Аҳәынҭқарра Апрокуратура азы» азакәан апроект ҿыц.  

Апрокурор хада актәи ихаҭыԥуаҩ Дамир Кәыҵниа ихантәаҩрала «Аԥсны апрокуратура азы» азакәан аредакциа ҿыц апроект аус адулара азы аусуратә гәыԥ аԥҵан.  Аусуратә гәыԥ аилазаара иалалеит Апрокуратура Хада аусбарҭақәеи аҟәшақәеи рнапхгаҩцәа.

Аҟәа. Жәабранмза 3, 2023 шықәса. Аԥсныпресс. Ироуз аоперативтә информациа ала аҳазылхратә ԥыԥшырҭа «Ԥсоу» аконтрбати аҳазылхратә цәгьоурақәеи рыԥхьырҟәҟәаара азы аҟәша аусзуҩцәа аҳазылхратә хылаԥшра азона аҿы Аԥсны атәылауаҩ зыԥсҟы икыз автомашьына агәаҭара мҩаԥыргеит.  Амашьына аҩныҵҟа ашьҭахьтәи атәарҭа ашьҭахь иԥшаан Аԥсны аҳазылхратә ҵакыра аҟынтәи алгаразы азин ыҟам, зыкапан 61 кьыла рҟынӡа иҟоу аԥштәылатә металл (абҩа). Иарбоу административтә зинеилагара азы аматериалқәа зегьы аусеилыргаразы Аԥсны аҳәынҭқарратә ҳазылхратә Еилакы аҳазылхратә  усеилыргарақәа рыҟәша ахь инашьҭуп.

Аҟәа. Жәабранмза 3, 2023 шықәса.  Аԥсныпресс.  Лаҵарамза 17 рзы Аҟәа ақалақь аҿы Аԥсны адәныҟатәи аусқәа Рминистрра аԥҵара  30- шықәса ахыҵра инамаданы афорум Global Abkhazia амҩаԥгара азԥхьагәаҭоуп, ҳәа адырра ҟанаҵоит адәныҟатәи аусқәа Рминистрра апресс-маҵзура.  

Аԥсны адәныҟатәи аусқәа Рминистрра Амедиацентр иҟанаҵо адыррақәа рыла,  афорум аусура рхы аладырхәраны иҟоуп еиуеиԥшым атәылақәа рҟынтәи асасцәа.

Афорум аҳәаақәа ирҭагӡаны абарҭ атематикатә сесиақәа мҩаԥгахоит:

агеополитикеи адипломатиеи;

аинформациатә технологиақәа русхкы аҿы жәларбжьаратәи аусеицура;

Аҟәа. Жәабранмза 2, 2022 шықәса. Аԥсныпресс. Ареспубликатә Унитартә Наплакы «Амшынеиқәафымцамч» адиректор хада инапынҵақәа рынагӡаҩыс дҟаҵоуп аихшаратә каҭақәа рзы адиректор хада ихаҭыԥуаҩ Рамин Зингишвили.

Зураб Багаԥшь Ареспубликатә Унитартә Наплакы «Амшынеиқәафымцамч» адиректор хада инапыҵақәа рынагӡаҩ имаҵураҭыԥ аҟынтәи ихы дақәиҭтәуп хатәгәаԥхарала иалеиҵаз арзаҳал ала.

Аҟәа. Жәабранмза 2, 2023 шықәса. Аԥсныпресс. Жәабранмза 2, 2023 шықәса рзы анемец-фашистцәа рықәгара ахьалыршахаз Сталинградтәи ажәылара ҟалеижьҭеи  80-шықәса ҵит.  

Ари амш аҽны Аҳәынҭқарра Ахада Аслан Бжьаниа дызхагылаз Аԥсны анапхгара Аҟәа Диоскураа рымҩаҟны Идырым асолдаҭ  ибаҟа амҵан ашәҭшьҭаҵара ацеремониа иалахәын. Агәалашәаратә акциа рхы аладырхәырц арахь иара убас имҩахыҵит Жәлар Реизара-Апарламент Аиҳабы Лаша Ашәба, аԥыза-министр актәи ихаҭыԥуаҩ Беслан Џьопуа, аԥыза-министр ихаҭыԥуаҩ, афинансқәа рминистр Владимир Делба, ашәарҭадара Ахеилак Ахантәаҩы Сергеи Шамба, Аԥсны иҟоу Урыстәылатәи Афедерациа аҷыдалкаатә зинмчы змоу Ацҳаражәҳәаҩ Михаил Шургалин, Аԥсны иҟоу Урыстәыла аус ацура Ахаҭарнакра анапхгаҩы Дмитри Федотов, ауаажәларра.  

Агәалашәаратә митинг аартуа Михаил Шургалин иазгәеиҭеит: «Иахьа, ҳара иазгәаҳҭоит анемец-фашистцәа рықәгара алзыршаз Сталинградтәи ажәылара ҟалеижьҭеи 80-шықәса аҵра. 1943 шықәса жәабранмза 2 рзы ихыркәшан аполитикатәи арра-стратегиатәи аҵак ду змаз,  200 мшы ицоз Сталинградтәи аибашьра, ари ахҭыс 1941-1945 шш. Аџьынџьтәылатә еибашьра Дуӡӡа аҟны шьаҭанкыла аиҭасымҭа иазҳәан.

Аиааираҟны рлагаламҭа дууп Аԥсны иалҵыз асовет еибашьцәа. Анемец командаҟаҵара Волга аӡиас ахь рынаӡара азы иамаз апланқәа хыбгалеит.  Асовет архәҭақәа астратегиатә инициатива анапахьы иагеит, хара имгакәа афашисттә Германиа акапитулиациа ҟалеит. Асовет жәлар аиааира агеит. Ари амш иахьа ҳара Украина имҩаԥысуа иҷыдоу арратә операциа анымҩаԥысуа аамҭазы иазгәаҳҭоит.  Усҟан еиԥш уажәгьы урыстәылатәи аруааи хатәгәаԥхарала урҭ ирывагыланы еибашьуаз аԥсуа еибашьцәеи рыжәҩахыр еибыҭа анацистә шәарҭара ду иаҿагылоуп. Усҟантәи ахҭысқәа рзы аҭоурыхтә ҵабырг ахьчареи Аџьынџьтәылатәи еибашьра Дуӡӡа алҵшәақәа реицакра алмыршареи – ари ҳара иаҳзеиԥшу ауалԥшьа ауп. Ҳара Ҳаԥсадгьыл Ду ахьчаҩцәа-аветеранцәа ҳрызгәдууп, урҭ ирыбзоураны иахьа ҳаԥсы ҭоуп, ҳхы ҳақәиҭуп», -ҳәа иазгәеиҭеит иара.

Аҟәа. Жәабранмза 2, 2022 шықәса. Аԥсныпресс. Ареспублика Ҭаҭарсҭан Высокогорски, Тетиушскии, Заинскии араионқәеи Аԥсны  Аҟәатәи,  Гагратәи, Гәдоуҭатәи араионқәеи аусеицуразы аиқәшаҳаҭра рыбжьарҵеит.   Ҭаҭарсҭантәи амуниципалитетқәа рхаҭарнакцәеи аԥснытәи аделегациа ахаҭарнакцәеи  реиԥылара Ареспублика Ҭаҭарсҭан амуниципалтә еиҿкаарақәа Рхеилак аҿы имҩаԥысит.

Аиԥылара аартуа, Ареспублика Ҭаҭарсҭан амуниципалтә еиҿкаарақәа Рхеилак ахантәаҩы  Екзам Губаидуллин аделегатцәа ирзеиҭеиҳәеит Ҭаҭарсҭан ишьақәгылаз аҭыԥантәи ахаланапхгара асистема атәы. Ирылацәажәан амуниципалтә мчра аусбарҭақәа рыструктура, ареспубликатәи амилаҭтәи программақәа рынагӡара, актуалра злоу апроблемақәа рыӡбара азы амуниципалтә грантқәа рзоужьра, уҳәа  актуалра злоу аусура ахырхарҭақәа.