Items filtered by date: Аԥшьаша, 10 Ԥхынгәы 2025

Аҟәа. Ԥхынгәымза 10, 2025 шықәса. Аԥсныпресс.   Атәылахьчара Аминистрра арра-патриоттә усура ахырхарҭақәа ируакуп ашколхәыҷқәа аԥырҩы дызҭам аԥырратә аппаратқәа рхархәашьа дырҵара.

Ԥхынгәымза 10 рзы  И.А. Коӷониа ихьӡ зху Кәтолтәи абжьаратәи ашкол аҿы атәылахьчара Аминистрра аспециалистцәа аҿар арратә занааҭқәа разыҟаҵара, атехникатәи атактикатәи адыррақәа раиуреи рхархәареи рзы FPV-дронқәа реибыҭареи рнапхгараҭареи ддырҵон.

Аҟәа. Ԥхынгәымза 10, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба диԥылеит Урыстәылатәи Афедерациа Ахада Иусбарҭа анапхгаҩы актәи ихаҭыԥуаҩ Сергеи Кириенко.

Аганқәа аенергетика, ашәахтәқәҵара, аҵарадырреи агуманитартә аԥшьгарақәеи, уҳәа реиԥш иҟоу аԥсны-урыстәылатәи аусеицура иадҳәалоу актуалра злоу азҵаарақәа жәпакы ирылацәажәеит.

Сергеи Кириенко Аԥсныҟа дааит аусуратә ныҟәарала.

Аҟәа. Ԥхынгәымза 10, 2025 шықәса. Аԥсныпресс. Аԥсны аҩныҵҟатәи аусқәа Рминистрра Аҳәынҭқарратә автоинспекциа Аусбарҭа аиҳабы Дамеи Аҩӡба амашьынарныҟәцаҩцәа рахь амҩатә ԥҟарақәа ирықәныҟәаларц, урҭ еиларымгаларц, амҩаҿы иахьынӡауа ала агәҽанызаара аадырԥшларц  азы ааԥхьара ҟаиҵеит.  Иара амашьына арццакра арежими атранспорттә хархәагақәа рыбжьазаареи аҟәныҟәара иаҵоу аҵакы ахадара  инаҵшьны иазгәеиҭеит.  

Астатистикала, амашьына арццакреи атранспорттә хархәагақәа рыбжьазаареи арежим аилагара ауп аиҳараӡак амҩа-транспорттә машәыртә хҭысқәа зыхҟьо.

«Амашьына арццакреи атранспорттә хархәагақәа рыбжьазаареи арежим нашәыгӡала. Амҩаҿы иҟоу аҭагылазаашьақәа ирықәымшәо амашьына арццакра алхра, арццакра арежими амашьынақәа рыбжьазаара рзы иҟоу аԥҟарақәеи реилагара, астатистика ишаҳнарбо ала, аиҳарак амҩатә машәырқәа зыхҟьо ауп.   Шәааԥсаны, мамзаргьы шәгәы рахәымкәа  шәшыҟоу ахаангьы амашьына аԥсҟы шәымкын. Ижәдыруаз, иџьбароу арыжәтәи артранспорттә хархәагақәеи – ари иузеидымкыло еилкаарақәоуп. Амашьына аԥсҟы анышәкуа излауа ала агәҽанызаара аашәырԥшла, амҩа шәанықәу ҭелла шәымцәажәалан, шәышиашоу шәымҩахь шәыԥшла, – ҳәа иҳәеит иара.