Аҟәа. Ажьырныҳәамза 18, 2023 шықәса. Аԥсныпресс. Аԥсны адәныҟатәи аусқәа рминистр Инал Арӡынба  Аԥсны иҟоу Приднестровтәи-Молдавтәи Ареспублика Аофициалтә Хаҭарнакра ахада Гарри Кәпалба  Ахаҭарнакра аԥҵара  16- шықәса ахыҵра идиныҳәалеит.

Адныҳәалараҿы, ахәҭакахьала иазгәаҭоуп: 

«Шәара ҳаҭыр дула сшышәзыҟо ҩаԥхьа ишьақәырӷәӷәо гәык-ԥсыкала ишәыдысныҳәалоит Аԥсны иҟоу Приднестровтәи-Молдавтәи Ареспублика Аофициалтә Хаҭарнакра аартра 16-шықәса ахыҵра.

Уи аартра аҳәынҭқаррабжьаратәи аԥсуа-приднестровтәи аизыҟазаашьақәа рҭоурых аҿы  акыр зҵазкуа хҭысны иҟалеит.

Аҟәа. Ажьырныҳәамза 18, 2023 шықәса. Аԥсныпресс.  Ажьырныҳәамза 19 рзы имҩаԥысраны иҟоу аминистрцәа Реилазаара аилатәара амшхәаԥштә иалагалоуп асоциалтә ҵакы змоу азҵаарақәа 9.  

Анапхгара 2023 шықәсазы  ахықәкытә напхгаратә программақәа шьақәнарӷәӷәараны иҟоуп:

«Атылауаа Ареспублика Аԥсны иахьаҵанакуа еиԥш уи анҭыҵгьы рыхәышәтәра аиҿкаара».

«Аԥсны аҳәынҭқарратә медицинатә усбарҭақәа рзы ахәшәқәеи амедицинатә маҭәахәқәеи амаругақәеи  еизакны раахәара».

«Аҷаҷа чымазара змоу рзы Аԥсны ахарҭәааратә терапиа аҿиареи аиҿкаара аиӷьтәреи».

«1992–1993 шш. Аԥсны аџьынџьтәылатәи еибашьра аинвалидцәа рмедицинатә реабилитациа».

«Аԥсны ауааԥсыра атуберкулиоз чымазара рацәыхьчара иазку аусура аиӷьтәра».

Аҟәа. Ажьырныҳәамза 17, 2023 шықәса. Аԥсныпресс. Ажьырныҳәамза  18 асааҭ 00:00  инаркны Егрытәи Аӡфымцатә Станциа аҟынтәи иаауа афымцамч ала аиқәыршәара аԥкрақәа ралагалара аграфик ҿыц аусура иалагоит.

«Ареспубликатә унитарнтә Наплакы «Амшынеиқәафымцамч» иҟанаҵо адыррақәа рыла, афымцамч аҭара аԥкра аамҭа уахынла ҩ-сааҭк аҟынтәи х-сааҭк рҟынӡа иацлоит. Уи зыхҟьо аӡеизакырҭа ахь аӡы алалара 30 куб. м/с рҟынтәи 27 куб. м/с. рҟынӡа иахьагхо ауп.

Урыстәылатәи Афедерациа аҟынтәи иаауа афымцамч аҭара аганахьала ажьырныҳәамза 12, 2023 шықәса инаркны иалагалаз  аԥкра ԥсахрада иаанхоит.

Аҟәа. Ажьырныҳәамза 17, 2023 шықәса. Аԥсныпресс. Ахәыҷы рацәа змоу аҭаацәеи зматериалтә ҭшагылазаашьа уадаҩу аҭаацәеи, иара убас Аԥсны жәлар рџьынџьтәылатәи еибашьра аинвалидцәеи нхарҭаҭыԥла реиқәыршәара азҵаара иазкын иахьа Аҟәа ақалақь, Ахақәиҭра Ашҭаҿы имҩаԥысыз амитинг. Амитинг иалахәыз шықәсыла ари апроблема ӡбашьа шамоуз азгәарҭон.  

Амитинг аҿы зегьы реиҳа зҭагылазаашьа  уадаҩу рзы Аҳабла ҿыц аҿы иҟоу аҩнеихагылақәа руак еиҭашьақәыргыланы рыҭара, иара убас анхарҭаҭыԥ аахәара азы аҳәынҭқарра аганахьала афинанстә цхыраара азоужьра алыршара азы ажәалагалақәагьы ҟаҵан.

Аҟәа. Ажьырныҳәамза 17, 2022. Аԥсныпресс. Адәныҟатәи аусқәа рминистр Инал Арӡынбеи Аԥсны аҵакыраҿы зусура мҩаԥызго Жәларбжьаратәи еиҳабыратәым аиҿкаарақәа рхаҭарнакцәеи аиԥылара мҩаԥыргеит.

Жәларбжьаратәи еиҳабыратәым аиҿкаарақәа рхаҭарнакцәа 2022 шықәсазтәи русуразы аҳасабырбақәа ҟарҵеит, ԥхьаҟатәи рыпланқәа ирылацәажәеит.

Уи адагьы ирзааҭгылан ҩ-ганктәи аинырра еиуеиԥшым акцентқәа.

Аҟәа. Ажьырныҳәамза 17, 2022 шықәса. Аԥсныпресс.  Ажьырныҳәамза 16 рзы Шәача ақалақь аҿы имҩаԥысит абокс азы аиҵбацәа рыбжьара Николаи Павлови Виктор Волкови Сергеи Рыжикови абокс азы Аԥсны еизгоу акоманда атренер хада Аслан Ахбеи  Гагра ақалақь ахәыҷтәы-қәыԥштә спорттә школ адиректор Едгар Қриеи амеценат Роман Цимцбеи реиԥылара, ҳәа адырра ҟанаҵоит аҿари аспорти рзы аҳәынҭқарратә Еилакы аофициалтә саит.

Аҟәа. Ажьырныҳәамза 14, 2022 шықәса. Аԥсныпресс. Ажьырныҳәамза  12 рзы Венесуела иҟоу Аԥсны Ацҳаражәҳәаҩ Заур Ӷәаџьаа Амилаҭтә Ассамблеиа аилатәара ихы алаирхәит. Араҟа Атәыла Ахада Николас Мадуро Морос есышықәатәи аҳасабырба адгалара мҩаԥигеит, ҳәа адырра ҟанаҵоит Аԥсны адәныҟатәи аусқәа Рминистрра Амедиацентр.

Аныҳәатә усмҩаԥгатә рхы аладырхәит адепутатцәа, атәыла анапхгара ахаҭарнакцәа,  аҳәынҭқарратә мчра аусбарҭақәа рхаҭарнакцәа, агубернаторцәа, Венесуела иҟоу адипломатиатә корпус аусзуҩцәа.

Аҟәа. Ажьырныҳәамза 14, 2022 шықәса. Аԥсныпресс. Абжьыуатәи амҩаду 126-тәи акилометр аҿы иааихеит автомашьынақәа ҩба «Lexus», «Honda Fit».  Амашәыртә хҭыс шыҟалаз азы адырра Аԥсны иҷыдоу аҭагылазаашьақәа рзы Аминистрра ахь иҟалеит 15 сааҭи 51 минуҭи рзы.

Аҟәа. Ажьырныҳәамза 15, 2023 шықәса. Аԥсныпресс.  1992-1993 шш. Аԥсны Аџьынџьтәылатәи еибашьра аан Гәдоуҭа ақалақь аҿы иҟаз Кавказ Ашьхарыуа жәларқәа Рконгресс аштаб аусзуҩцәа  Лиалиа Чамагәуеи Ирина Кәакәасқьыри Аԥсны Аҳәынҭқарра Ахада инапынҵа ала зыԥсҭазаара иалҵыз, хатәгәаԥхарала Аԥсны еибашьуаз ранацәа Лера Пежевеи Зелма Науржановеи рҭаацәа ирҭааит, ҳәа иаанацҳауеит аинформациатә Маҵзура «Аԥсадгьил-Информ».

Аҳәынҭқарра Ахада Аслан Бжьаниа ихьӡала Лера Пежевеи Зелма Науржановеи рҭаацәа ирыҭахеит адышшыларатә шәҟәқәеи зыԥсҭазаара иалҵыз рнышәынҭрақәа рыҟаҵара азы аԥаратә хархәагақәеи, ҳәа адырра ҟалҵеит  Лиалиа Чамагәуа.

Аҟәа. Ажьырныҳәмза 15, 2022 шықәса. Аԥсныпресс. Гәдоуҭа араион Приморское ақыҭа азааигәара автотрасса аҟны автомашьына ВАЗ 21-01 амҩа иаԥну ашьаҟа иаахеит. Амҩатә машәыр шыҟалаз азы адырра Аԥсны иҷыдоу аҭагылазаашьақәа Рминистрра ахь иҟалеит 9 сааҭи 05 минуҭи рзы.