Аҟәа. Нанҳәамза 18, 2025 шықәса. Аԥсныпресс.  Армен Хачатуриани Альдона Ҵкәуеи Казань ақалақь аҿы имҩаԥысраны иҟоу еицырдыруа амузыкатә конкурс «Новая волна» аҿы Аԥсны ахьӡала иқәгылараны иҟоуп, ҳәа адырра ҟанаҵоит Аԥсны акультура Аминистрра. 

Аҟәа. Нанҳәамза 18, 2025 шықәса. Аԥсныпресс. Аԥсни Урыстәылеи аенергетика Аминистррақәа ирыбжьарҵаз аиқәшаҳаҭра аҳәаақәа ирҭагӡаны, Аԥсны аенергетикатә усхкы аспециалистцәа аенергетикахархәара-ҭиратә усура аганахьала аҽазыҟаҵарақәа ирхысит. Акурс еиҿкаан Акционертә Еилазаара «Росатом Энергосбыт» абазаҿы, уи мҩаԥысуан аилазаара аекспертцәа алархәны онлаин-формат аҿы.  

Аҟәа. Нанҳәамза 16, 2025 шықәса. Аԥсныпресс. Урыстәылатәи Афедерациеи Еиду Америкатәи Аштатқәеи рхадацәа Владимир Путини Дональд Трампи Алиаска реиԥылара атәылақәа реизыҟазаашьақәа рҿы апрогресс шыҟало азы агәыӷра унаҭоит. Ас еиԥш агәаангара ТАСС акорреспондентт диҿцәажәо иҳәеит Аԥсны адәныҟатәи аусқәа рминистр Олег Барцыц.  

Аҟәа. Нанҳәамза 15, 2025 шықәса. Аԥсныпресс.  Урыстәылатәи Афедерациа Ахада Владимир Путин Бадра Гәынба иира Амш идиныҳәалеит.

Адныҳәаларатә цҳамҭа аҿы, ахәҭакахьала иазгәаҭоуп:

«Ҳаҭыр зқәу Бадра Зураб-иԥа! Шәира Амш инамаданы ишәыдышәкыл гәык-ԥсыкала иҟаҵоу адныҳәаларақәа. Ишәзеиӷьасшьоит агәабзиара, агәамч, аизҳазыӷьара, шәнапы злаку аҳәынҭқарратә маҵзураҿы аманшәалареи ақәҿиарақәеи.

Ааԥынразы Москва имҩаԥысыз ҳаиԥыларақәа Урыстәылеи Аԥсни реизыҟазаашьақәа аиҩызаратә ҟазшьа шрымоу шьақәдырӷәӷәеит. Жәаҳәарада, ҳара аҩганктәи аусеицура иадҳәалоу актуалтә зҵаарақәа рзы еицаҳзеиԥшу аконструктивтә усура ҳҿаԥхьа иқәҳаргылоит – ҳажәларқәа рзы, арегионтә ҭышәынтәалареи ашәарҭадареи рыхьчаразы», — ҳәа аҳәоит ашәҟәы аҿы.

Аҟәа. Нанҳәамза 15, 2025 шықәса. Аԥсныпресс. Аҳәынҭқарра Ахада Бадра Гәынба, Аҳәынҭқарра Ахада Ихаҭыԥуаҩ Беслан Бигәааи аветеранцәа-хатәгәаԥхарауаа Сергеи Дбар ихьӡ зху Аџьынџьтәылатәи еибашьра Амузеи иаҭааит.

Аҟәа. Нанҳәамза 15, 2025 шықәса. Аԥсныпресс.  Иахьа Гәдоуҭа ақалақь, акультура Ахан аҿы имҩаԥысит хатәгәаԥхарала еибашьуаз Рымш иазку аныҳәатә еизара. Уаҟа дықәгылеит Аҳәынҭқарра Ахада Бадра Гәынба.

«Ҳаҭыр зқәу ҳауаажәлар, акыр иаԥсоу ҳашьцәа!

Аҟәа. Нанҳәамза 14, 2025 шықәса. Аԥсныпресс. Нанҳәамза 13 рзы апрофилактикатә усмҩаԥгатәқәа рымҩаԥгараан Аԥсны Аҳәынҭқарратә ҳазалхратә Еилакы  аинформациа-коммуникациатә технологиақәа азинеилагарала рхархәара аҿагылара аиҿкааразы Аусбарҭеи Аҳазалхратә Ԥыԥшреи русзуҩцәа  Гагра ақалақь аџьармыкьа Хада аҩныҵҟа иҟоу апавилион (Хазхаҭалатәи анаплакҩы Мерлиан Л.М.) агәаҭара мҩаԥыргеит.

Аҟәа. Нанҳәамза 14, 2025 шықәса. Аԥсныпресс. Тирасполь ақалақь, Ареспублика Аԥсны Приднестровтәи Молдавтәи Ареспублика аҿы Аофициалтә Хаҭарнакра ахыбра аҿаԥхьа иаадыртит 1992-1993 шш. Аԥсны жәлар Рџьынџьтәылатәи еибашьра алагара иазку атематикатә баннерқәа ахьышьақәыргылоу  аҭыԥ, ҳәа адырра ҟанаҵоит Аԥсны Аҳәынҭқарра адәныҟатәи аусқәа Рминистрра.

Аҟәа. Нанҳәамза 14, 2025 шықәса. Аԥсныпресс. Иахьа, нанҳәамза 14 нанҳәамза рзы, В.Г. Арӡынба ихьӡ зху Аҟәатәи Жәларбжьаратәи аҳаирбаӷәаза аҿы иаԥалеит аҳаиртә еилазаара  Fly ала инагӡаз Санкт-Петербугынтәи  раԥхьатәи ареис. 

Аҟәа. Нанҳәамза 14, 2025 шықәса. Аԥсныпресс.  Иахьа, нанҳәамза 14 рзы, В.Г. Арӡынба ихьӡ зху Аҟәатәи Жәларбжьаратәи аҳаирбаӷәаза аҿы иаԥалеит аҳаиртә еилазаара  "Fly" ала инагӡаз Санкт-Петербугынтәи  раԥхьатәи ареис.  

Аҳаирбаӷәаза 32-шықәса раахыс аусура аиԥҟьара ашьҭахь ҩаԥхьа иаартын ҳазҭоу ашықәс лаҵарамзазы. Уи ареконструкциа Урыстәылеи Аԥсни еицынарыгӡо проектны иҟалеит.  

«Ари ахҭыс акырӡа аанагоит Аԥсни Санкт-Петербурги руааԥсыра рзы. Ҳара акыр ҵуеит ари аҩыза ахҭыс ҳазыԥшиижьҭеи, уи анагӡаразгьы аус еицаауан. Иахьа ҳара иаҳҳәар ҳалшоит Урыстәыла Ахада ишиашоу ала Аԥсныҟа аҳаиреимадара абжьаҵаразы иҟаиҵаз анапынҵа нагӡоуп ҳәа, – иҳәеит агубернатор Алеқсандр Беглов. – Аҩганктәи аусуратә еимадарақәа шьҭарнахыс иӷәӷәоу аҿиара аимпульс роуеит, иаауа атуристцәа рхыԥхьаӡара иацлоит.  Ҳара еицынаҳагӡараны иҟоу аусқәа рхыԥхьаӡараҿы иҟоуп аҩ-калақьк рҳаирбаӷәазақәа русеицура активизациа азура».