Аҟәа. Нанҳәамза 26, 2025 шықәса. Аԥсныпресс. Ареспублика Аԥсны аделегациа нанҳәамза 27,  2025 шықәсазы имҩаԥысраны иҟоу 62-тәи Дамасктәи  жәларбжьаратәи ацәыргақәҵа алахәхаразы Шьамтәыла иаҭааит. Аделегациа ахадараҿы дыҟоуп Аԥсны адәныҟатәи аусқәа рминистр Олег Барцыц, ҳәа адырра ҟанаҵоит Аԥсны адәныҟатәи аусқәа Рминистрра апресс-маҵзура.

Аҟәа. Нанҳәамза 26, 2025 шықәса. Аԥсныпресс. Урыстәыла аганахьынтә ахьыԥшымра азхаҵара Аԥсны Аҳәынҭқарра аҭынч ҿиареи аҭышәынтәалареи хәдықәҵара ауит, ҳҳәынҭқарреи уи атәылауааи ршәарҭадаразы игәрагоу ашьаҭа шьақәнаргылеит. Абри атәы аҳәоит Аԥсны адәныҟатәи аусқәа Рминистрра Аԥсны аҳәынҭқарратә хьыԥшымреи асуверенитети Урыстәылатәи Афедерациа иазханаҵеижьҭеи 17 шықәса аҵра иазкны иҟанаҵаз аофициалтә дырраҭара аҿы.

Аҟәа. Нанҳәамза 26, 2025 шықәса. Аԥсныпресс. Аԥсны Жәлар Реизара-Апарламент Аиҳабы Лаша Ашәба Аԥсны жәлар ахьыԥшымра жәларбжьаратәи азхаҵара Амш рыдиныҳәалеит.  

Адныҳәалараҿы, ахәҭакахьала иазгәаҭоуп:

Ҳаҭыр зқәу ҳауаажәлар!

Аԥсны Жәлар Реизара – Апарламент ахьӡала ишәыдысныҳәалоит аҵак ду змоу аҳәынҭқарратә ныҳәақәа ируаку – Аԥсны Аҳәынҭқарра ахьыԥшымра азхаҵара амш.

Аҟәа. Нанҳәамза 26, 2025 шықәса. Аԥсныпресс.  Аҳәынҭқарра Ахада Бадра Гәынба Аԥсны жәлар ирыдиныҳәалеит Аԥсны Ахьыԥшымра азхаҵара 17 шықәса ахыҵра амш.

Адныҳәалараҿы, ахәҭакахьала иазгәаҭоуп:

«Ишыжәдыруа еиԥш, жәибыжь шықәса раԥхьа, нанҳәамза 26, 2008 шықәса рзы Урыстәылатәи Афедерациа усҟантәи Ахада Дмитри Анатоли-иԥа Медведев Аԥсни Аахыҵ Уаԥстәылеи рхьыԥшымра азхаҵара азы Аусԥҟақәа инапы рыҵаиҩит. Ари амш аҽны ҳҳәынҭқарразы илахьынҵаӡбагәоуаӡбамҭа аднакылеит Урыстәыла ахадара.  

Аҟәа. Нанҳәамза 26, 2025 шықәса. Аԥсныпресс. Ареспублика Аԥсны ахьыԥшымра жәларбжьаратәи азхаҵара Амш аҽны Очамчыра араион Џьгьиарда ақыҭан Аԥсны Аҩбатәи Ахада Сергеи Багаԥшь анышә дахьамадоу ашәҭшьыҵәрақәа шьҭарҵеит.

Аԥсны аҳәынҭқарра ахьыԥшымра азхаҵара амш аҽны Сергеи Багаԥшь имемориал амҵан ашәҭшьыҵәрақәа шьҭарҵеит Аҳәынҭқарра Ахада Бадра Гәынба, аԥыза-министр Владимир Дбар, Жәлар Реизара-Апарламент Аиҳабы Лаша Ашәба, Аҳәынҭқарра Ахада Иусбарҭа анапхгаҩы Беслан Ешба,  ареспублика анапхгара, адепутатцәа, Аԥсны иҟоу Урыстәыла ацҳаражәҳәаҩ  Михаил Шургалин, Урыстәыла Аҳәынҭқарратә Дума адепутат Константин Затулин, аветеранцәа, ауаажәларра рхаҭарнакцәа.

Аҟәа. Нанҳәамза 26, 2025 шықәса. Аԥсныпресс. Аахыҵ Уаԥстәыла Ареспублика Ахада Алан Гаглоев Аԥсны Аҳәынҭқарра Ахада Бадра Гәынба Аԥсны Аҳәынҭқарра Ахьыԥшымра жәларбжьаратәи азхаҵара амш идиныҳәалеит

Адныҳәалараҟны, ҷыдала, иҳәоуп:

«Ҳаҭыр зқәу Бадра Зураб-иԥа! Алада Уаԥстәыла Ареспублика ажәлар рыхьӡала, хаҭала сара сыхьӡала Шәара аԥхьа шәнаргыланы, ҳаиашьаратә аԥсуа жәлар ирыдысныҳәалоит акрызҵазкуа амилаҭтә ныҳәа – Аԥсны Аҳәынҭқарра Ахьыԥшымра жәларбжьаратәи азхаҵара 17 шықәса ахыҵара арыцхә.

Ҳажәларқәа жәытә-натә аахыс аиҩызара, аиашьара рыбжьоуп, урҭ еиҳагьы иӷәӷәахеит ҳҭоурыхтә мҩақәа реиԥшхара иабзоураны.  Ари шьақәзырӷәӷәо акәны иҟалеит Урыстәылатәи Афедерациа Алада Уаԥстәылеи Аԥсны Аҳәынҭқарреи рхьыԥшымра аамҭак азы азхаҵаразы иаднакылаз азыӡба.  

Аҟәа. Нанҳәамза 26, 2025 шықәса. Аԥсныпресс.  Дмитри Медведев Гәынба Бадра Аԥсны Аҳәынҭқарра Ахьыԥшымра жәларбжьаратәи азхаҵара амш идиныҳәалеит

Урыстәыла ашәарҭадара Ахеилак Ахантәаҩы ихаҭыԥуаҩ Дмитри Медведев Аԥсны Аҳәынҭқарра Ахада Бадра Гәынба Аԥсны Аҳәынҭқарра Ахьыԥшымра жәларбжьаратәи азхаҵара амш идиныҳәалеит.

Аҟәа. Нанҳәамза 26, 2025 шықәса. Аԥсныпресс. Ареспублика Аԥсны ахьыԥшымреи асуверенитети жәларбжьаратәи разхаҵара Амш аҽны Бадра Гәынба Аԥсны Аҳәынҭқарра Актәи Ахада Владислав Арӡынба ҳаҭырла дигәалаиршәеит.

Аҟәа араион, Алада Ешыра ақыҭан Аԥсны Аҳәынҭқарра Актәи Ахада Владислав Арӡынба Имемориал амҵан ашәҭшьыҵәрақәа рышьҭаҵара ацеремониа мҩаԥысит. Уи ихьӡ иузаҟәымҭхо иадҳәалоуп аибашьраҿы игаз аиааиреи аибашьра ашьҭахь раԥхьатәи ашықәсқәа рзы иҟаз ауадаҩра дуқәа риааиреи.  

Аусмҩаԥгатә иалахәын Аԥсны Ахада Бадра Гәынба, атәыла аԥыза-министр Владимир Делба, Аҳәынҭқарра Ахада Иусбарҭа анапхгаҩы Беслан Ешба, Жәлар Реизара-Апарламент Аиҳабы Лаша Ашәба, аиҳабыра алахәылацәа, Апарламент адепутатцәа, Аԥсны иҟоу Урыстәыла Ацҳаражәҳәаҩ Михаил Шургалин, аибашьра аветеранцәа, ауаажәларра рхаҭарнакцәа.

Аҟәа. Нанҳәамза 26, 2025 шықәса. Аԥсныпресс. Атәыла анапхгара алахәылацәа 1992-1993 шш. Аԥсны жәлар Рџьынџьтәылатәи еибашьра аҿы иҭахаз ҳаҭырла иргәаладыршәеит.  

Аҟәа ақалақь, Ахьӡ-Аԥша апарк аҿы, Урыстәылатәи Афедерациала Аԥсны ахьыԥшымреи аҳәынҭқарратә суверенитети разхаҵара ҟалеижьҭеи 17-шықәса аҵра инамаданы, 1992-1993 шш. Аԥсны жәлар Рџьынџьтәылатәи еибашьра аҿы иҭахаз аибашьцәа Рмемориал амҵан ашәҭшьыҵәрақәа рышьҭаҵара ацеремониа мҩаԥысит.  

Аҟәа. Нанҳәамза 26, 2025 шықәса. Аԥсныпресс.  Нанҳәамза 26 рзы Аԥсны Ахьыԥшымра Жәларбжьаратәи азхаҵара Амшныҳәа азгәарҭоит.  

Иахьа 17 шыџқәса ҵуеит Урыстәыла Аԥсны ахьыԥшмыра азханаҵеижьҭеи. Нанҳәамза 26, 2008 шықәса рзы Урыстәылатәи Афедерациа Ахада Дмитри Медвелев иқәҵарала Урыстәыла Ареспублика Аԥсныи Аахыҵ Уаԥстәыла Ареспубликеи официалла иазханаҵеит.

Ареспублика ахьыԥшымра жәларбжьаратәи азхаҵара Амш Аԥсны ныҳәатә мшны иҟоуп. Есышықәса ари амш аҽны ареспублика зегьы иахьҵанакуа аныҳәатә усмҩаԥгатәқәа мҩаԥысуеит. Убас:

Асааҭ 10:00 рзы –  Ахьӡ-Аԥша апарк аҿы иҟоу 1992 – 1993 шш. Аԥсны жәлар Рџьынџьтәылатәи еибашьра аҿы иҭахаз афырхацәа Рмемориал амҵан ашәҭ шьыҵәрақәа рышьҭаҵара ацеремониа мҩаԥысуеит.

Асааҭ  11:30  рзы – Аҟәа араион, Алада Ешыра ақыҭан  Аԥсны Раԥхьатәи Ахада Владислав Арӡынба анышә дахьамадоу Амемориал амҵан ашәҭ шьыҵәрақәа рышьҭаҵара ацеремониа мҩаԥысуеит.

Асааҭ 12:30 рзы – Очамчыра араиорн Џьгьиарда ақыҭан Аԥсны Аҩбатәи Ахада Сергеи Багаԥшь анышә дахьамадоу ашәҭ шьыҵәрақәа рышьҭаҵара ацеремониа ҩаԥгахоит.

Асааҭ 18:00 рзы – Фазиль Искандер ихьӡ зху Аҳәынҭқарратә аурс драматә театр амузеи аартра мҩаԥгахоит.

Асааҭ 20:00 рзы –  Амҳаџьыраа Рыԥшаҳәа, Аԥсуа драматә театр аҿаԥхьа Урыстәылатәи Афедерациа ала Аԥсны ахьыԥшымра азхаҵара ҟалеижьҭеи 17- шықәса аҵра иазку аԥснытәи аестрада артистцәа злаху аныҳәатә концерт мҩаԥгахоит. Амш ахыркәшамҭаз иҟалоит аныҳәатә салиут.