Аҟәа. Ԥхынгәымза 31, 2025 шықәса. Аԥсныпресс. Аԥсны Апарламент адепутатцәа акредиттә еиҿкаарақәа рбанкротразы азакәан аиҭакрақәа ралагаларазы аӡбамҭа рыдыркылеит.

Апарламент адепутатцәа аҩбатәи аҵыхәтәантәи аԥхьараҿы «Акредиттә еиҿкаарақәа рбанкротразы» азакәан аиҭакрақәа ралагаларазы аӡбамҭа рыдыркылеит.

Аҟәа. Ԥхынгәымза 31, 2025 шықәса. Аԥсныпресс. Аҳәынҭқарра Ахада Бадра Гәынба иахьа Аҟәа иаатраны иҟоу XXIII Амузыкатә фестиваль «Хьыбла Гьерзмааԥҳа шәаалыԥхьоит.." аламҭалаз идикылеит Аԥсни Урыстәылеи Жәлар рартист,» Ахьӡ-Аԥша» I аҩаӡара аорден занашьоу Гьерзмааԥҳа Хьыбла, амузыкант, Урыстәыла жәлар рартист, Аҳәынҭқарра Ахада иҟны иҟоу акультуреи аҟазареи рзы Ахеилак алахәыла, Мацуев  Денис, Б. Шьукин ихьӡ зху Атеатртә аинститут аректор Книазев Евгени.  Аиԥылара иара убас рхы аладырхәит акультура аминистр Даур Ақаҩбеи амеценат Николаи Ачбеи.

Аҟәа. Ԥхынгәымза 31, 2025 шықәса. Аԥсныпресс. Жәлар Реизара-Апарламент адепутатцәа аҩбатәи, аҵыхәтәантәи аԥхьараҿы ирыдыркылеит «Ареспублика Аԥсны иҟоу хазы игоу акатегориақәа ирыҵанакуа атәанчаҩцәа ртәанчахәы ашьҭыхразы» Ареспублика Аԥсны Азакәан аиҭакрақәа ралагаларазы азакәан апроект.

Аҟәа. Ԥхынгәымза 31, 2025 шықәса. Аԥсныппресс.  Аҳәынҭқарратә аҭоурых-архитектуратә музеи-ҳәарԥсарра «Аҟәатәи абааш» аартра иазку аныҳәатә усмҩаԥгатә мҩаԥысит аԥшьаша, ԥхынгәымза 30 рзы.  

Аҟәатәи абааш – ари ажәытә бырзентә калонизациа инаркны иахьа уажәраанӡа Аҟәа ақалақь аҿиара зныԥшуа иуникалу аҭоурых-культуратә ҭынха абаҟа ауп.

Аҟәа. Ԥхынгәымза 31, 2025 шықәса. Аԥсныпресс. Аҳҭнықалақь Ахадара аусбарҭақәа ақалақь аҭеиҭыԥш арҽеиреи «Аӡырга азы» азакәан инақәыршәаны аӡыргатә дырранҵақәеи аԥыракқәеи рышьақәыргылара алыршареи рзы активла аус руеит.  Уажәазы иқәыргеит даҽа жаба изакәанымкәа ишьақәыргылаз аӡыргатә конструкциақәа.

Аҟәа. Ԥхынгәымза 31, 2025 шықәса. Аԥсныпресс. Жәлар Реизара-Апарламент адепутатцәа еицҿакны  Марат Аҩӡба  Аԥсны Иреиҳаӡоу аӡбарҭа аӡбаҩыс далырхит.

Аҟәа. Ԥхынгәымза 31, 2025 шықәса. Аԥсныпресс. Аԥшьаша, ԥхынгәымза 31 рзы Апарламент асессиа аилатәара аҿы адепутатцәа амшхәаԥштә иалагалаз адгьылтә зҵаарақәа ааба рзы аӡбамҭақәа рыдыркылеит.

Апарламент адепутатцәа аминистрцәа Реилазаара азин арҭеит:

• Аҟәа араион Гәымсҭа ақыҭан иҟоу, зҵакыра 1,13 га. рҟынӡа инаӡо адгьылҭыԥ «ақыҭанхамҩатә зкызаара змоу адгьыл» акатегориа аҟынтәи «ааглыхратә зкызаара змоу адгьыл» акатегориа ахь аиагара азы;

Аҟәа. Ԥхынгәымза 30, 2025 шықәса. Аԥсныпресс. Атәыла аԥыза-министр Владимир Делба Аԥсны астатистиказы Аҳәынҭқарратә Еилакы анапхгараҭареи аусзуҩцәеи дырԥылеит. Аилацәажәара тема хадас иҟан Аԥсны ауааԥсыра рышәҟәҭагалара амҩаԥгара аҽазыҟаҵара азҵаара, ҳәа адырра ҟанаҵоит Аминистрцәа Реилазаара апресс-маҵзура.

Аԥыза-министр Аҳәынҭстат аиҳабы Кама Гогьиаԥҳа ауааԥсыра рышәҟәҭагалара амҩаԥгара иазку аусмҩаԥгатәқәа рыплани арыцхәи рзы ажәалагалақәа рыҟаҵаразы анапынҵа лиҭеит.

Аҵыхәтәан Аԥсны ауааԥсыра рышәҟәҭагалара мҩаԥган 2011 шықәсазы.

Аҟәа. Ԥхынгәымза 30, 2025 шықәса. Аԥсныпресс. Аҳәынҭқарра Ахада Бадра Гәынба иахьа, ԥхынгәымза 30 рзы Гәдоуҭа араион ахь аусуратә ҭаара мҩаԥигеит. Аҳәынҭқарра Ахада Гәдоуҭа араион, Лыхны ақыҭаҵн ааигәа  иаадыртраны иҟоу зхы иақәиҭу аиқәԥареи абокси рзы аспорттә зал аҿы арҽеиратә усурақәа шцо даҭааны ибеит. Аспорт зал аҭаара ӡбан Аҳәынҭқарра Ахада лаҵарамза 18 рзы Гәдоуҭа араион данаҭааз. 

Аҟәа. Ԥхынгәымза 30,  2025 шықәса. Аԥсныпресс. Нанҳәамза 6 рзы иццакны ицо аӷба «Комета» амаршрут Шәача-Аҟәа ала аԥышәаратә реис азԥхьагәаҭоуп. Ареспубликатә Унитартә Наплакы «Аԥснытәи амшынӷбаныҟәара» анџьныр хада Григори Тамбиа Аҟәатәи амшынбаӷәазаҿы аӷба «Камета» адкылара аҽазыҟаҵара шымҩаԥысуа атәы еиҭеиҳәеит.

Иарбоу аӷба аццакра 60 км/с еиҳауп, уи аура 35,2 метра ыҟоуп, иара иакуеит  120-ҩык, аекипажгьы уахь иналаҵаны.  

«Уи Шәачантәи Аҟәанӡа ҩ-сааҭки бжаки рыла имҩасуеит», – ҳәа иҳәеит Григори Тамбиа.