Аҟәа. Ԥхынҷкәынмза 27, 2025 шықәса. Аԥсныпресс. Апремиа «Аԥыза қәыԥш» анашьара мҩаԥысит асабша, ԥхынҷкәынмза 27 рзы  Аҟәа ақалақь аҿы.

Иахьа Аҟәа еилкаахеит 2025 шықәсазы иреиӷьу «Аԥыза қәыԥш» аԥхьахә аҟны иалкаахаз рыхьӡқәа. Иҷыдоу акомиссиа аминистррақәа, аҳәынҭқарратә еилакқәа, аӡбарҭақәа, аҭыԥантәи анаԥхгараҭарақәа, Апарламент, Аминистрцәа реилазаара, апрокуратура Хада, Аҳәынҭқарратә телерадиоеилахәыра, Амилаҭтә банк рҟынтәи иреиӷьу аусзуҩцәа ҿарацәа алнахит.

Аԥыза қәыԥшцәа ирыдныҳәаларц иааит Аҳәынҭқарра Ахада Бадра Гәынба, Аҳәынҭқарра Ахада ихаҭыԥуаҩ Беслан Бигәаа, атәыла аԥыза-министр Владимир Делба, Жәлар Реизара-Апарламент Аиҳабы Лаша Ашәба.

Аҟәа. Ԥхынҷкәынмза 27, 2025 шықәса. Аԥсныпресс. Асамбист Инал Гаделиа 2025 шықәсазы Аԥсны иреиӷьу аспортсмен ҳәа далкаауп.

2025 шықәсазы Инал Гаделиа  Ареспублика Белорусь Ахада Алеқсандр Лукашенко иҳамҭақәа рзы асамбо азы Жәларбжьаратәи атурнир аҿы аџьазтә аԥхьахә игеит, аспорттә самбо азы IX Жәларбжьаратәи аицлабрақәа Гран-При «Ареспублика Ҭаҭарсҭан Ахраҿа» аиуразы атурнир аҿы аиааира игеит.  

Аҟәа. Ажьырныҳәа 10, 2026 шықәса. Аԥсныпресс.  Аԥсны Аҳәынҭқарра  Ахада Бадра Гәынба Багаԥшь ихьӡ зху ашҭаҿы имҩаԥысуаз афестиваль  «Амандарин» аркра даҭааит. Аҳәынҭқарра Ахада афестиваль аиҿкааҩцәеи алахәылацәеи иҭабуп ҳәа реиҳәеит, ҳәа ителеграм-канал аҿы адырра ҟаиҵеит Аҳәынҭқарра Ахада ипресс-маӡаныҟәгаҩ Алхас Ҷолокәуа. Атәыла ахада афестиваль  «Амандарин» асасцәа рзы Аԥсны акультура беиа дырдырразы лшара бзиоуп ҳәа иазгәеиҭеит.

Аҟәа, Ажьырныҳәа 10, 2026 шықәса. Аԥсныпресс.  Аӡынтәи афестиваль «Амандарин» амҩаԥгара аҳәаақәа ирҭагӡаны Сергеи Багаԥшь ихьӡ зху ашҭаҿы иқәыргылоуп амандарина иалху 54 метра иҟоу аторт. Идуӡӡоу аторти аҳауатә мпышҭа ду аҳауа алаҵареи афестиваль ахыркәшаратә усмҩаԥгатәқәаны иҟалеит.

Афестиваль аиҿкааҩ Светлана Габуниаԥҳа Аԥсныпресс акорреспондент диҿцәажәо аторт-рекордсмен аԥҵара рхы аладырхәит 32 каҳуажәырҭа, ақьафурҭақәеи ахаатәыҟаҵарҭақәеи рҟынтәи 45-ҩык ахаатәыҟаҵаҩцәа.

Аҟәа. Ԥхынҷкәынмза 26, 2025 шықәса. Аԥсныпресс. Аԥсны адәныҟатәи аусқәа рминистр Олег Барцыц Аҳәынҭқарра Ахада Апарламент ахь инашьҭымҭа дахцәажәо уи астратегиатә гәылҭәаара азгәаеиҭеит. Аминистр игәаанагарала, аусшәҟәы атәыла аԥсҭазаара ихадоу ахырхарҭақәа арбоуп, араҟа ареформақәа зегьы рышьаҭаны иарбоуп аекономика арӷәӷәара. Еиҳа ихадоу аусхкқәа рыбжьара Олег Барцыц иаликааит атуризми ақыҭанхамҩеи.

Аҟәа.  Ԥхынҷкәынмза 26, 2025 шықәса. Аԥсныпресс. Аԥсны Жәлар Реизара-Апарламент Амилаҭтә Банк астатистикала аҳәынҭқарратә еимадара асистема иаланагалеит.

Адепутатцәа аҩбатәи аԥхьарала «Астатистикатә усуразы» азакәан ахь Амилаҭтә Банк азинмчқәа зырӷәӷәо аиҭакрақәа ралагалара азы ақәҵара рыдыркылеит. Шьҭарнахыс Астатистиказы Аҳәынҭқарратә Еилакы атәыла ахада, анапхгареи аҳәынҭқарратә усбарҭақәеи инарымариашаны иарбоу афинанстә напхгараҭаратә усбарҭа ахь аофициалтә информациа анашьҭара ҭакԥхықәраны иадлоит.

Аҟәа.  Ԥхынҷкәынмза 26, 2025 шықәса. Аԥсныпресс. Аԥсны Жәлар Реизара-Апарламент ақәҵарала Аԥсны Абанк 2026 шықәсазтәи аныхрақәа рхарџьынҵа иацҵоуп: 100 млн. мааҭ рҟынӡа  — абанкнотқәеи аԥараҿырпқәеи рҭыжьра азы, иара убас 17 млн. мааҭ — аусура аиҿкаареи аулафахәы ашәареи рзы. Абри азы адырра ҟаиҵеит  Аԥсны Амилаҭтә Банк ахантәаҩы Беслан Бараҭелиа.

Аҟәа. Ажьырныҳәамза 9, 2026 шықәса. Аԥсныпресс. Афестиваль «Амандарин» аҳәаақәа ирҭагӡаны асасааирҭа «Интер-Сухум» аҿы имҩаԥысуаз амилаҭтә шәҵатәы аконкурс аҿы аиааирақәа згаз еилкаахеит.

Аҟәа. Ажьырныҳәамза 9, 2026 шықәса. Аԥсныпресс. Афестиваль «Амандарин» аҳәаақәа ирҭагӡаны асасааирҭа «Интер-Сухум» аҿы амилаҭтә шәҵатәы аконкурс мҩаԥысуеит.

Афестиваль аиҿкааратә комитет алахәыла Сариа Аргәынԥҳа амилаҭтә шәҵатәы дырбара азы иԥсабаратәым аинтеллект ахархәара аиуит ҳәа иазгәалҭеит. Ас еиԥш акреативтә знеишьа априомқәа убар алшоит абанер аҿы: иаразнак иузеилымкаар алшоит уа иану аҭыԥҳа иԥсабаратәым хаҿсахьаны дшыҟоу. Сариа Аргәынԥҳа лажәақәа рыла, убас ала аиҿкааҩцәа адизаинерцәеи амоделиерцәеи рпотенциал аартреи арҿиаразы агәазҭазаара рыҭаареи хықәкыс ирымоуп.

Аҟәа. Ԥхынҷкәынмза 29, 2025 шықәса. Аԥсныпресс. Аԥсны ажурналистцәа Реидгыла ахантәаҩы Руслан Ҳашыг урыстәылатәи ателееилахәырақәа рнапхгаҩцәа Владислав Арӡынба диижьҭеи 80-шықәса аҵра азгәаҭара иазкыз аусмҩаԥгатәқәа рзы адыррақәа рыларҵәаразы иҟарҵаз аинформациатә цхырааразы иҭабуп ҳәа реиҳәеит.

Урыстәылатәи Афедерациа ажурналистцәа Реидгыла ахантәаҩы Соловиов В. Г., АЕ «Актәи аканал» адиректор Хада Ернст К.Л., Урыстәылазегьтәи Аҳәынҭқарратә Телерадиоеилахәыра адиректор Хада   Добродеев О.Б., Ателеканал НТВ  адиректор Хада Земскои А.В., Ателеканал «Звезда» адиректор Хада Пиманов А.В. рахь идәықәҵаз асаламшәҟәқәа рҿы ахәҭакахьала иаҳәоит: