Аҟәа.  Цәыббрамза 19, 2025 шықәса. Аԥсныпресс. Зыхәԥсаҵәҟьа  100 зарина рҟынӡа инаӡо абанкнота аӡыргара мҩаԥысит Цхьынвал,  I Жәларбжьаратәи аекономикатә Форум аҳәаақәа ирҭагӡаны.

Аҟәа. Цәыббрамза 19, 2025 шықәса. Аԥсныпресс. Аҟәа ақалақь, В.Г.Арӡынба ихьӡ зху Арратә Ахьӡ-Аԥша амузеи аҿаԥхьа 1992 – 1993 шш. Аԥсны жәлар Рџьынџьтәылатәи еибашьра аҿы Аиааира агара Амш  32- шықәса ахыҵра иазку арратә парад арепетициа мҩаԥысит. 

Аҟәа. Цәыббрамза 19, 2025 шықәса. Аԥсныпресс. Аԥсны Аҳәынҭқарреи Аахыҵ Уаԥстәылатәи Ареспубликеи аиҩызареи аусеицуреи рзы ирыбжьарҵаз Аиқәшаҳаҭра 20 шықәса ахыҵит, ҳәа адырра ҟанаҵоит Аԥсны адәныҟатәи аусқәа Рминистрра апресс-маҵзура.

Аҟәа. Цәыббрамза 18, 2025 шықәса. Аԥсныпресс. Аҳәынҭқарратә арепсубликатә абазатә драматә театр цәыббрамза 18 рзы Гагра ақалақь, Томас Кәакәасқьыр ихьӡ зху акультура Аҩны аҿы Ельдар Агачев иқәиргылаз атеатралтә қәгылара «Анапаҿы иаагам ауапа» («Непокоренная бурка») ала  иқәгылеит.

Ақәыргыламҭа аҿы ауапа абазаа рыԥсадгьыл ахь ирымоу хамеигӡарыла абзиабереи аҵеи иуалԥшьа анагӡара азхиареи символра ауеит.   

Ақәыргыламҭа атема хадақәа – апатриотизм, аидгыларахь ааԥхьара, иара убас Аԥсадгьыл аҿаԥхьа аҭакԥхықәара анагӡара.

Аҟәа. Цәыббрамза 19, 2025 шықәса. Аԥсныпресс. Аенергетика аҿы апроблемақәа Аԥсны азы еиҳа иҵару ауп, ареспублика анапхгара аӡынтәи аамҭахәҭазы аколлапс ашьақәымгыларазы иалшо зегьы ҟанаҵоит, ҳәа Цхьынвал имҩаԥысуа Актәи жәларбжьаратәи аекономикатә Форум аҳәаақәа ирҭагӡаны ТАСС астудиа аҿы абри азы адырра ҟаиҵеит Аԥсны аԥыза-министр  Владимир Делба.

Аҟәа. Цәыббрамза 18, 2025 шықәса. Аԥсныпресс. Аԥсны аҳәынҭқарратә ҳазалхратә Еилакы ахантәаҩы Оҭар Хьециа цәыббрамза 18 рзы ахатәы еилазаара алархәны аилатәара мҩаԥигеит.

Аилатәара аан агәҽанҵарада аусзуҩцәа метадон, амарихуана, апрегабалин, акокаин, аморфин, амфетамин, барбитурат, субутекс, уҳәа реиԥш иҟоу анаркотикатәи арҩышьыгатәи амаҭәашьарқәа рыдкыларазы агәаҭара мҩаԥган, ҳәа адырра ҟанаҵоит Аҳәынҭқарратә ҳазалхратә Еилакы апресс-маҵзура.

Аҟәа.  Цәыббрамза 18, 2025 шықәса. Аԥсныпресс. Арратә Ахьӡ-Аԥша амузеи аҿы Ареспублика Раԥхьатәи Ахада Владислав Арӡынба иԥсҭазаара иазку Ҭемыр Кәакәасқьыр ифильм “Ажәлар рыԥхьагылара золшо” арбара мҩаԥысит.  Афильм ахь амузыка иҩит Анри Гәынба, аоператор – Џьано Цурцумиа.

Афильм аҿы ахархәара аҭан ацитатақәа абжьы рхаҵареи афотоосахьақәа аԥсы рхаҵареи иазку ҳаамҭа иақәшәо атехнологиақәа. Уи иабзоураны ахәаԥшцәа Владислав Арӡынба ихаҭареи уи ахақәиҭрахь дызнысыз афырхаҵаратә мҩеи еиҳа инарҵауланы реилкаара алнаршоит.

Аҟәа. Цәыббрамза 18, 2025 шықәса. Аԥсныпресс. Аԥыза-министр ихаҭыԥуаҩ, аҩныҵҟатәи аусқәа рминистр Роберт Кьиут Урыстәыла аҩныҵҟатәи аусқәа Рминистрра ала еиҿкаау, аекстремизм аидеологиа аларҵәара апроблема азы Москва имҩаԥысуа V Жәларбжьаратәи аконференциа ихы алаирхәуеит.  

Роберт Кьиут «аҳәынҭқарра анҭыҵынтәи иаауа ашәарҭарақәа рҭагылазаашьаҿы аҿар рекстремизм апрофилактика аганахьала Ареспублика Аԥсны аԥышәа» ҳәа ажәахә ҟаҵо дықәгылеит. Уи, ахәҭакахьала, Аԥсны – ари аибашьра атрагедиа зхызгаз, аха аҭынчра, асуверенитет, аҩныҵҟатәи аҭышәынтәалара реиқәырхара зылшаз ҳәынҭқарроуп ҳәа иазгәеиҭеит.

Аҟәа. Цәыббрамза 18, 2025 шықәса. Аԥсныпресс. Актәи Жәларбжьаратәи аекономикатә Форум «Аахыҵ Уаԥстәыла. Аинвестициақәа рылаԥшҳәаақәа» Аахыҵ Уаԥстәыла аҳҭнықалақь Цхьынвал аҿы иаатит.

«Ҳара ҳхықәкы хаданы иҟоуп аекономика аҿиареи аинвестициақәа ралагалареи рзы иманшәалоу аҭагылазаашьақәа раԥҵара», - ҳәа Афорум аартра иадҳәалоу аусмҩаԥгатә аҿы дықәгыло иазгәеиҭеит Аахыҵ Уаԥстәыла Ахада Алан Гаглоев. 

Аҟәа. Цәыббрамза 18, 2025 шықәса. Аԥсныпресс. Аԥсны Жәлар Реизара-Апарламент аделегациа цәыббрамза 18 инаркны 20 аҟынӡа Цхьынвал ақалақь аҿы имҩаԥысуа I Жәларбжьаратәи аекономикатә Форум «Аахыҵ Уаԥстәыла. Аинвестициақәа рылаԥшҳәаақәа» рхы аладырхәуеит.