Аҟәа. Лаҵарамза 7, 2025 шықәса. Аԥсныпресс.  1941-1945 шш. Аџьынџьтәылатәи еибашьра Дуӡӡа иалахәыз ҳџьынџьуаа рбаҟа аартра иадҳәалаз аныҳәатә усмҩԥгатә мҩаԥысит лаҵарамза  7 рзы Цандрыԥшь  ақыҭан.

Аиааиразы зхы иамеигӡаз ҳаҭырла иргәаладыршәарц арахь иааит Гагра араион ауааԥсыра. Абаҟа аартра азин рырҭеит Цандрыԥшь аҳабла ахада Едгар Быҭәбеи Гагра араионтә Еизара ахантәаҩы Асҭан Агрбеи.

Иара убас Цандрыԥшь аҳаблаҿы имҩаԥысуеит еиҭаҵуа ацәыргақәҵа «Аибашьра иԥшьоу адаҟьақәа». Уаҟа ицәыргақәҵоуп аибашьра афырхацәа рфотосахьақәеи аибашьра ахроникеи.

Уаҵәы, лаҵарамза 8 рзы, ацәыргақәҵа аус аулоит Бзыԥҭа аҳаблан.  

Аҟәа. Лаҵарамза 7, 2025 шықәса. Аԥсныпресс. Аҳәынҭқарра Ахада Бадра Гәынба Очамчыра араион Тамшь ақыҭан Асовет Еидгыла Афырхаҵа Уарлам Габлиа иҳаҭгәын аҿы ашәҭ шьыҵәрақәа шьҭеиҵеит.  

Аҳәынҭқарра Ахада ицны арахь иааит Аҳәынҭқарра Ахада ихаҭыԥуаҩ Беслан Бигәаа, Аҳәынҭқарра Ахада Иусбарҭа анапхгаҩы Беслан Ешба, Жәлар Реизара-Апарламент Аиҳабы Лаша Ашәба, Аԥсны иҟоу Урыстәыла ацҳаражәҳәаҩ Михаил Шургалин, Жәлар Реизара-Апарламент адепутатцәа, Уарлам Габлиа иуацәеи иҭынхацәеи, ауаажәларра рхаҭарнакцәа.

Аҟәа. Лаҵарамза 7, 2025 шықәса. Аԥсныпресс. Аԥсны атәылахьчара Аминистрра аделегациа 1941 – 1945 шш.  Аџьынџьтәылатәи еибашьра Дуӡӡа аҿы Аиааира агара Амш  80-шықәса ахыҵра иазкны Москва ақалақь аҿы имҩаԥгахо аныҳәатә усмҩаԥгатәқәа рылахәхаразы амҩа иқәлеит, ҳәа адырра ҟанаҵоит Аԥсны атәылахьчара Аминистрра апресс-маҵзура.

Аҟәа. Лаҵарамза 7, 2025 шықәса. Аԥсныпресс. Аԥсны Аҳәынҭқарра Шьаҭанкыла аргылара Аусбарҭа аиҳабы Демир Гамисониа Аԥсны Аҳәынҭқарра Ахада Бадра Гәынба ихьӡала Аџьынџьтәылатәи еибашьра Дуӡӡа аветеран Ипполит Михаил-иԥа Гаделиа Аиааира Амш  80-шықәса ахыҵра идиныҳәалеит.

«Ҳаҭыр ду зқәу Ипполит Михаил-иԥа! Ишәыдысныҳәалоит Аиааира Дуӡӡа Амшныҳәа! Гәык-ԥсыкала ишәзеиӷьасшьоит агәабзиара, агәамч, аԥсуа ишықәснҵыра ду!

Аҟәа. Лаҵарамза 7, 2025 шықәса. Аԥсныпресс. Аҟәа араион Гәымсҭа ақыҭан амемориалтә комплекс аартра иазкыз аныҳәатә усмҩаԥгатә мҩаԥысит. Ацаха ҟаԥшь ԥырҟеит Аҳәынҭқарра Ахада Бадра Гәынбеи Аԥсны инхо аерманцәа Рхеилак ахантәаҩы Алик Миносиани.

Амемориалтә комплекс абас ала ишьақәгылоуп: 1941-1945 шш. рзы Аџьынџьтәылатәи еибашьра Дуӡӡа аҿы иҭахаз аибашьцәа рбаҟа, 1992-1993шш. рзы Аԥсны жәлар Рџьынџьтәылатәи еибашьра аҿы иҭахаз аибашьцәа рбаҟа, иԥсабаратәу аҳаскьын зқәыиааны иҟоу ашьапылампыл маҷ адәы, ахәыҷтәы плошьадкеи ахәыҷқәеи адуцәеи рзы атренажиорқәа ахьышьақәыргылоу аспорттә плошьадкеи.  

Аҟәа. Лаҵарамза 7, 2025 шықәса. Аԥсныпресс. Очамчыра ақалақь аҿы  Асовет Еидгыла Афырхаҵа Уарлам Габлиа (абҵарамза 12, 1902 шықәса - ԥхынҷкәынмза 28, 1982 шықәса) ибаҟа аартра иадҳәалаз аныҳәатә усмҩаԥгатә мҩаԥысит.

Абаҟа аартра иадҳәалаз ацеремониа рхы аладырхәит Аҳәынҭқарра Ахада Бадра Гәынба, Аҳәынҭқарра Ахада ихаҭыԥуаҩ Беслан Бигәаа, Жәлар Реизара-Апарламент Аиҳабы Лаша Ашәба, Аҳәынҭқарра Ахада Иусбарҭа анапхгаҩы Беслан Ешба, Очамчыра араион ахада Алхас Кациа,  Уарлам Габлиа иуацәеи иҭынхацәеи, ақалақь ауааԥсыра.

Аҟәа. Лаҵарамза 7, 2025 шықәса. Аԥсныпресс.  Аԥсны Аҳәынҭқарра Ашәахтәқәеи аизгақәеи рминистрреи, Аҟәа ақалақьи егьырҭ аинспекциақәеи 2025 шықәса, ԥшьымз ирылагӡаны инарыгӡаз аусура алҵшәақәа реихшьаала инақәыршәаны, Аԥсны абиуџьет иалагалоуп 1млрд. 687 млн. 416,7,5 мааҭ. Убри  аан аплан ишьақәнаргылон 1 млрд. 543 млн. 148,6 нызықь мааҭ. Аплан нагӡоуп 109% рыла.

Аҟәа. Лаҵарамза 5, 2025 шықәса. Аԥсныпресс. Аҳәынҭқарра Ахада ицын Ахада ихаҭыԥуаҩ  Бигәаа Беслан, Аԥыза-министр Делба Владимир, Ахада Иадминистрациа Анапхгаҩы Ешба Беслан. Аплантациақәа Ҭоумышь аҳаблаҟны иҟоуп.

Атәыла анапхгара Аԥсны Аџьынџьтәылатә еибашьраан Аԥсадгьыл ахақәиҭтәра зхы ақәызҵаз рбаҟа иаҭааит.  Иҳәатәуп, аҳабла ауааԥсыра рыхьӡала иргылоу амемориалтә ӷәы дара рымчала 1994 шықәсазы ишышьақәдыргылаз.

Аҟәа. Лаҵарамза 7, 2025 шықәса. Аԥсныпресс. 1941 – 1945 шш. Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра аламҭалазы Ашәҟәы «Аԥсны Афырхацәа». Аџьынџьтәылатәи еибашьра Дуӡӡа аудиоверсиа» Аԥсны иҟоу аурысцәа Рхеилак аофициалтә саит аҿы ианылеит. 

«Аудиошәҟәы аиқәыршәаҩыси аҭыжьҩыси иқәгылеит Урыстәыла асоциалтә программақәа рзы Амилаҭтә фонд. Афонди Аԥсны иҟоу аурысцәа Рхеилаки  аинформациатә усеицуразы аиқәшаҳаҭра рыбжьарҵеит», — ҳәа еиҭеиҳәеит Ауаажәларратә Еиҿкаара «Аԥсны иҟоу аурысцәа Рхеилак» ахантәаҩы Роман Риазанцев.

Аҟәа. Лаҵарамза 6, 2025 шықәса. Аԥсныпресс. Акциа «Ԥсра зқәым аполк» Аҟәа ақалақь аҿы лаҵарамза 9 рзы имҩаԥгахоит.

Аныҳәатә аиасра алахәылацәа аҽеидкылара иалагоит Ахақәиҭра Ашҭаҿы асааҭ 10:30 рзы ԥыхьатәи аминистрцәа Рхеилак ахыбра азааигәара.  

«Ԥсра зқәым аполк» аколонна абри амаршрут ала имҩаԥысуеит:  Ахақәиҭра Ашҭа инаркны Гәлиа имҩаду ала Леон ипроспект аҟынӡа; Леон ипроспект инаркны Амҳаџьырра Рыԥшаҳәа аҟынӡа; Амҳаџьыраа рымшаҳәеи адиоскураа Рыԥшаҳәеи инаваршәны Идырым Асолдаҭ ибаҟа  аҟынӡа.