Аҟәа. Нанҳәамза 11, 2025 шықәса. Аԥсныпресс. Аҳәынҭқарра Ахада Бадра Гәынба Ԥсковтәи аобласт агубернатор Михаилом Ведерников дидикылеит. Абри азы адырра ҟанаҵоит Аҳәынҭқарра Ахада ипресс-маҵзура.

Аганқәа аҭоурыхтә еимадарақәа рырӷәӷәареи еиуеиԥшым аусхкқәа: аекономикеи, акультуреи, атуризми рыҟны аусеицура арҭбаареи ирылацәажәеит.

Аҟәа. Нанҳәамза 13, 2025 шықәса. Аԥсныпресс.  Жьҭаарамза 11, 2025 шықәсазы Москвантәи идәықәло, жьҭаарамза 12 рзы  – Воронеж ақалақь аҟынтәи идәықәло атуристтә дәыӷба «Риҵа» аексклиузивтә реис ахь абилеҭқәа рыҭира иалагахьеит. Адәыӷба зынӡа уахьгьы-арахьгьы амҩа иқәхоит  7 мшы, ҳәа адырра ҟанаҵоит Урыстәылатәи Аихамҩақәа рыпресс-маҵзура.  

Аҟәа. Нанаҳәамза 13, 2025 шықәса. Аԥсныпресс. Аԥсны акультура аминистр Даур Ақаҩбеи Бахрушинтәи атеатралтә музеи адиректор Хада Кристина Трубиновеи ареспублика иахьаҵанакуа акультура-рккаратә аԥшьгарақәак азԥхьагәазҭо аусеицуразы аиқәшаҳаҭра рнапы аҵарҩит.  Аусеицура ихадоу ахырхарҭақәа иреиуоуп — Ахәыҷтәы Центр аԥҵара, анаука-ҵарадырратә программақәа ралагалара, иара убас нанҳәамза 26, 2025 шықәсазы иазԥхьагәаҭоу Аҟәа ақалақь аҿы Ф.А.Искандер ихьӡ зху Аҳәынҭқарратә аурыс драматә театр Иҿыцу амузеи аартра.

«Ареспублика Аԥсны акультура Аминистрра аус ацуразы аиқәшаҳаҭра абжьаҵара — ари аҩ-тәылак ирыбжьоу агуманитартә еимадарақәа еиҳагьы рырҭбаареи рырӷәӷәареи аус аҿы даараӡа акыр зҵазкуа шьаҿоуп. Бахрушинтәи атетралтә музеи ихадоу апроектқәа — «Атеатр амузеи ҿыц», Ахәыҷтәы центр, мҽхакы ҭбаала имҩаԥгахо анаука-рккаратә аԥшьгарақәа – жәларбжьаратәи аҩаӡараҿы иҟоуп, урҭ Аԥсни Урыстәылеи рыбжьара акультуратә диалог аҿиараҿы хра злоу ароль нарыгӡоит», — ҳәа иазгәалҭеит Бахрушинтәи атеатралтә музеи адиректор Хада Кристина Трубинова.

Аҟәа. Нанҳәамза 11, 2025 шықәса. Аԥсныпресс. В.Г. Арӡынба ихьӡ зху Аҳәынҭқарратә арратә Ахьӡ-аԥша амузеи Псковтәи аобласт Арра-ҭоурыхтә музеи-ҳәырԥсарреи аусеицуразы аиқәшаҳаҭра рыбжьарҵеит. Аусшәҟәы рнапы аҵарҩит амузеиқәа рнапхгаҩцәа Мзиа Беииеи Наталиа Субботеи.

Аҟәа. Нанҳәамза 11, 2025 шықәса. Аԥсныпресс. Аԥсны ԥхынгәымзазы ареспублика абиуџьет иалалеит 982 млн. 324,9 нызықь мааҭ. Азԥхьагәаҭаратә рбагақәа ԥхынгәымзазы иацҵан инагӡоуп 121 %рыла. Абри атәы аанацҳауеит Аԥсны Ашәахтәқәеи аизгақәеи рминистрра асаит.

Аҟәа. Нанҳәамза 11, 2025 шықәса. Аԥсныпресс. Аԥсни Урыстәылеи рҟынтәи 200-ҩык инареиҳаны ашахматасыҩцәа – адебиутантцәа инадыркны жәларбжьаратәи аҩаӡара аҟазацәа рҟынӡа  – XXII Жәларбжьаратәи ашахматтә фестиваль «Аԥсны- Оpen - 2025»рхы аладырхәит.

Аҟәа. Нанҳәамза  8, 2025 шықәса. Аԥсныпресс. Аконкурс «Аԥсны амедиа ҿыцқәа» аусура алагара иазкын «Sputnik Аԥсны» апресс-центр аҿы имҩаԥысыз апресс-конференциа.

Аконкурс аиҿкааҩ иаҳасабала иқәгылеит  Аԥсны Аҳәынҭқарра Ахада Иусбарҭа. Апроект апартниорцәа – «Амедиа ҿыцқәа рҟазарҭа» (https://t.me/mnm_masterskaya), Автономтә Икоммерциатәым Аиҿкаара «Диалог» (https://t.me/ano_dialog), аконкурс «Аԥсны Акоманда» (https://t.me/abkhazia_team), Анапхгараҭара аҟазарҭа «Сенеж» (https://t.me/senezh_rsv).

Аԥсны ахада Иусбарҭа аинформациатә хархәагақәа рымадаразы аҟәша аиҳабы, Аҳәынҭқарра Ахада ипресс-маӡаныҟәгаҩ Алхас Ҷолокәуа иахьа Аахыҵ Уаԥстәыла атрагедиатә хҭысқәа анымҩаԥысуаз инаркны 17-шықәса аҵра иамшуп ҳәа иазгәеиҭеит.

«Ҳара ари амш аҽны иаҳгәаламшәар ауам Қырҭтәыла ампыҵахаларатә политика иахҟьаны Аахыҵ Уаԥстәыла иҟалаз атрагедиа иалаӡыз акгьы зхарамыз ауаа, Аахыҵ Уаԥстәыла ахьчаҩцәа-афырхацәа, Аахыҵ Уаԥстәыла аҭынч уааԥсыра агрессиа аҟынтәи рыхьчаразы зхы иамеигӡаз урыстәылатәи аруаа», - ҳәа иҳәеит Алхас Ҷолокәуа.

Аҟәа. Нанҳәамза 5, 2025 шықәса. Аԥсныпресс. Цәыббрамза 18 - 20, 2025 шықәса рзы Аахыҵ Уаԥстәыла аҳҭнықалақь Цхьынвал аҿы имҩаԥысраны иҟоу  I Жәларбжьаратәи аекономикатә Форум «Аахыҵ Уаԥстәыла. Аинвестициақәа рылаԥшҳәаақәа». Ари аусмҩаԥгатә анапхгареи абизнеси рхаҭарнакцәа жәларбжьаратәи рдиалог азы хра злоу плошьадканы иҟалоит, араҟа ирылацәажәараны иҟоуп аусеицуреи аинвестициақәеи рзы алшарақәа, абанктә усхкы, аҭынхеи акультуреи, уҳәа ирыдҳәалоу азҵаарақәа.

Аҟәа. Нанҳәамза 5, 2025 шықәса. Аԥсныпресс. Агәабзиарахьчара Аминистрра, «Аԥсны Акоманда», урыстәылатәи ауаажәларратә еиҿкаара «Жәлар рыфронт», Гал араион Ахадара иҭшәоу апрофиль ала аус зуа Урыстәылатәи аҳақьымцәа Гал ақалақь ахь раара  еиҿыркааит.

Гал ақалақь араионтә хәышәтәырҭа хада аҿы абар ҩымшуп отоларинголог, амаммолог-онколог, агинеколог, ауролог, уҳәа реиԥш иҟоу аспециалистцәа апациентцәа рыдыркылоижьҭеи.  

Апрофгәаҭарақәа хәада-ԥсада имҩаԥысуеит, изҭаху зегьы аконсультациахь инеир илшоит.

Атәыла агәабзиарахьчара аминистр, араион Ахадареи урыстәылатәи ауаажәларратә еиҿкаара «Жәлар рыфронт» ахаҭарнакцәеи аҳақьымцәа ирыҿцәажәеит, апациентцәа рыдкылара шымҩаԥысуа атәы еилыркааит.  Аҳақьымцәа иманшәаланы аусуразы иахәҭоу аҭагылазаашьақәа зегьы аԥҵоуп ҳәа иазгәарҭеит.

Аԥсны агәабзиарахьчара Аминистрра ахада иажәақәа рыла, Гал ақалақь ахь ааԥхьара роуит ахәышәтәырҭа аҿы иазымхоз аспециалистцәа.

Аҟәа. Нанҳәхамза 5, 2025 шықәса. Аԥсныпресс. Атәыла аԥыза-министр Владимир Делба Шьаҭанкыла  аргыларазы Аусбарҭа аиҳабы Дамир Гамсаниеи Аҳәынҭқарратә Еилакы «Аԥсныргылара» адиректор  хада Руслан Тәанбеи идикылеит. Абри атәы аанацҳауеит Аминистрцәа Реилазаара апреасс-маҵзура.