Аҟәа. Нанҳәамза 6, 2025 шықәса. Аԥсныпресс.  Аԥсны аҳәынҭқарратә ҳазалхратә Еилакы аҳазалхратә ҭыԥ «Ԥсоу» аусзуҩцәа Цандрыԥшь аҳабла амилициа аусзуҩцәа рыцырхырааны, нанҳәамза  5 рзы аҳаблаҿы иҟаз анхарҭа иахьаҵанакуаз ирыԥшааит Аԥсны аҳазалхратә закәанԥҵара аилагарала Аԥсныҟа иаагаз  акриптовалиута арҳара иазкыз аппаратқәа жәаба.  

Аҟәа. Нанҳәамза 6, 2025 шықәса. Аԥсныпресс. Аҳәынҭқарра Ахада Бадра Гәынба Владислав Арӡынба ихьӡ зху Жәларбжьаратәи аҳаирбаӷәаза «Аҟәа» аҿы диԥылеит Урыстәылатәи Афедерациа Ахада Иусбарҭа аиҳбы ихаҭыԥуаҩ Сергеи Кириенко.

Аҟәа. Нанҳәамза 6, 2025 шықәса. Аԥсныпресс. Аҳәынҭқарра Ахада Бадра Гәынба Аԥсныҟа иааз  УА Ахада Иусбарҭа аиҳабы актәи ихаҭыԥуаҩ Сергеи Кириенко диԥылеит.

«Ҳаҭыр зқәу Сергеи Владилен-иԥа! Шәбара ҳаигәырӷьоит Аԥсны аҳҭнықалақь аҿы! Аҟәаа бзиала шәаабеит ҳәа шәарҳәоит. Ааигәоуп Шәареи ҳареи Ҟрым, арт-кластер «Таврида» аҿы  ҳанеибабоз.  Исымоу алшара схы иархәаны, Шәара ҳҿар ирышәҭо ацхыраареи адгылареи рзы иҭабуп ҳәа шәасшәарц сҭахуп. Сара гәахәара дула исыдыскылеит аҟыбаҩ  злоу урыстәылатәии аԥснытәи аҿар ридеиақәа шеицынарыгӡо абара», –  ҳәа иҳәеит Бадра Гәынба.

Аҟәа. Нанҳәамза 4, 2025 шықәса. Аԥсныпресс. Аԥсны аԥыза-министр ихаҭыԥуаҩ Џьансыхә Нанба ихантәаҩрала имҩаԥысит зеилазаара рҿыцу Амонументалтә ҟазаразы Аҳәынҭқарратә комиссиа аилатәара, ҳәа адырра ҟанаҵоит аминистрцәа Реилазаара апресс-маҵзура.

Акомиссиа иахәаԥшит Аҳәынҭқарратә комиссиа ала ирылаҳәаз иаатру жәларбжьаратәи аконкурсқәа рахь ицәыргахаз апроекттә ажәалагалақәа рахь ихымԥадатәиу ахыдҵақәеи алкаақәеи азгәаҭарақәеи.  

Аҟәа. Нанҳәамза 5, 2025 шықәса. Аԥсныпресс. Атехнологиақәа рыҿиара инамҩатәны анапхыцәгьара асоциалтә нџьнырра ацәырҵрақәа рылаҵәара иалагеит.  Ари ацәгьоуцәа ауаа цәгьашақә рхархәара рылзыршо  апсихологиатә нырра аметодқәа роуп. Аиҳарак аферистцәа ахықәкқәа ҩба руак анагӡаразы аус руеит: атәым персоналтә дыррақәеи апарольқәеи изакәаным аоперациақәа рынагӡара, мамзаргьы  ауаҩы уҳәатәы дахымԥо аҟаҵара, уи анаҩс иоуз адҵала иалху ахырхарҭала ихала иԥарақәа  ыиаигарц, акредит игарц, анаҩс иоуз аԥарақәа наганы анапхыцәгьа ииҭарц азы.  Абанк ПСБ ас еиԥш иҟоу анырра аҽацәыхьчаразы иҟаҵатәу, ашәарҭадаразы изықәныҟәатәу аԥҟарақәа хԥа ирылацәажәеит.

Аҟәа. Нанҳәамза 4, 2025 шықәса. Аԥсныпресс. Урыстәылатәи ауаажәларратә еиҿкаара “Жәлар рфронт” Аԥсны агәабзиарахьчара Аминистрра ҳамҭас ианаҭеит амедицинатә еиқәыршәагақәа, ҳәа адырра ҟанаҵоит агәабзиарахьчара Аминистрра апресс-маҵзура.

Аҟәа. Нанҳәамза 4, 2025 шықәса. Аԥсныпресс. Нанҳәамза  5, асааҭ 19:00 рзы, Ф.А. Искандер ихьӡ зху Аҳәынҭқарратә аурыс драматә театр аҿы Ф.М. Достоевски ироман «Игрок» ала иқәыргылоу аспектакль аԥхьарбара мҩаԥысуеит.

Ақәыргыламҭа аҿы адраматә хҭысқәеи Аԥсны Аҳәынҭқарратә хортә капелла (адерижиор – Барас Кәыџба) инанагӡо  В.А. Моцарт иреквием абжьи еилаҵәоит, уи уамашәа иҟоу аемоциатә еффект аԥнаҵоит.  

Апиеса «Игрок» аҿы афырхаҵа хада изы алахалара ахәмарра аҵакы аасҭа идухоит, уи иԥсҭазаара зегьы амҽханакуеит. Алеқсеи Иван-иԥа  – ԥхьатәара иҟоу аинрал ихәыҷқәа рырҵаҩы  - кыр идуу аԥсҭыха аиура иазгәышьуа занду лыԥсра амш иазыԥшу уи иҭаацәа дрыцны аныҟәарақәа дрылахуп… Аҵан узго алашыҩкра, уаҵәтәи амш иузаанаго аилымкаара, угәҭакқәеи угәазыҳәарақәеи ахала, насыԥла ишыҟало азхаҵара, аԥсҭазааратә интерессқәа рмаҷреи, аԥсҭазаара аҵакы хада аилымкаареи – абри ауп иахьатәи аамҭазгьы актуалра злоу «Игрок» атема хадақәа.

Аҟәа. Нанҳәамза 4, 2025 шықәса. Аԥсныпресс. Санкт-Петербург аҟынтәи Аҟәаҟа ишиашоу аҳаиртә реисқәа  хацыркхоит нанҳәамза  14 рзы. Ас еиԥш аҳаиртә реисқәа рыла атурқәа рыҭира аадыртит атуроператорцәа.

Аҟәа. Нанҳәамза 4, 2025 шықәса. Аԥсныпресс. Аҳазалхратә ҭыԥ «Ԥсоу» аусзуҩцәа аихамҩатә станциа «Цандрыԥшь» аҿы нанҳәамза 3 рзы дааныркылеит афымцадәыӷба «Диоскуриа» апассаџьыр – Гаграҟа ицоз, 2000 шықәса рзы ииз Аԥсны атәылауаҩ Багдасариан Б.В.

Аҟәа. Нанҳәамза 3, 2025 шықәса. Аԥсныпресс. Аҳәынҭқарра Ахада Бадра Гәынба иԥшәмаԥҳәыс Ирма Ҳашыгԥҳа дицны ҳаҭыр зқәу асас иаҳасабала аҿар рҟазара иазкны Урыстәыла имҩаԥырго зегьы реиҳа идуу акультура-рккаратә хҭыс – афестиваль «Таврида.АРТ» ихы алаирхәит, ҳәа иаанацҳауеит атәыла Ахада ипресс-маҵзура.