Аҟәа. Нанҳәамза 1, 2025 шықәса. Аԥсныпресс. Аԥсны Жәлар рпоет Витали Амаршьани Аԥсны анаукақәа Ракадемиа академик, «Ахьӡ-Аԥша» II аҩаӡара аорден занашьаз Маргарита Ладариеи  ргәалашәара анаунагӡатәра иазкын  ԥхынгәымза 31 рзы имҩаԥысыз Аҟәа ақалақьтә Еизара аилатәара.

Азҵаара ахәаԥшрахь ииасаанӡа, Аизара ахантәаҩы  Дмитри Осиа Аҟәа ақалақь Ахадареи Аизареи рахь Аԥсны ашәҟәыҩҩцәа Рассоциациа ахантәаҩы Владимир Занҭариа, ААУ аректор Алеко Гәарамиа, Аԥсуаҭҵааратә Институт адиректор Арда Ашәба рҟынтәи  Аҟәа ақалақь аҿы Витали Амаршьани Маргарита Ладариеи ахьынхоз аҩнқәа рҿыԥшыларатә ганқәа рҿы амемориалтә ӷәқәа рышьақәыргыларазы  аҳәара зныз ашәҟәқәа аашьҭын ҳәа адырра ҟаиҵеит. «Арҭ ауаа рҭоурых, Аԥсны еиҵагылараны иҟоу абиԥарақәа ирдыруазар ахәҭоуп, урҭ рыхьӡ анаунагӡара ҳуалԥшьаны иҟоуп. Витали Амаршьан – еицырдыруа аԥсуа поет, ашәҟәыҩҩы, иара  инапы иҵыҵит аԥсуа литературазы акыр зҵазкуа арҿиамҭақәа, ажәеинраалақәеи апрозатә ԥҵамҭақәеи. Иара дравторуп аҭоурыхтә романқәа «Аԥсҳа – «Аԥсуаа раҳ» («Апсха — «Царь абхазов»), «Ашьхақәа раҳ» («Владыка гор»), Аԥсны ашәҟәыҩҩцәа Рассоциациа амаӡаныҟәгаҩыс дыҟан. Витали Амаршьан –  «Ахьӡ-Аԥша» III аҩаӡара аорден акавалер, Дырмит Гәлиа ихьӡ зху Аҳәынҭқарратә премиа алауреат.  2014 шықәсазы зсахьаркыратә ҩаӡара ҳараку арҿиамҭақәеи жәлар рҟазара аҿиараҿы иҷыдалкаатәу илагалеи рзы Витали Амаршьан «Ареспублика Аԥсны Жәлар рпоет» ҳәа ахьӡ ихҵан», - ҳәа иҳәеит Дмитри Осиа. Маргарита Глеб-иԥҳа Ладариа длыхцәажәо, Дмитри Осиа уи ареспублика ахьӡ ҭызгоз иакымкәа-иҩбамкәа абиԥарақәа реиҵааӡара зылшаз иналукааша хаҿны ҳҳәынҭқарра аҭоурых дазаанхеит ҳәа инаҵшьны иазгәеиҭеит. «Маргарита Глеб-иԥҳа Ладариа – афилологиатә наукақәа рдоктор, Аԥснытәи аҳәынҭқарратә Университет апрофессор Аԥсны анаукақәа Ракадемиа академик, «Ахьӡ-Аԥша» II аҩаӡара аорден акавалер лоуп. Маргарита Глеб-иԥҳа—  Аԥсны еиԥш уи анҭыҵгьы еицырдыруа аурыс шәҟәыҩҩы Тургенев  иԥсҭазаареи ирҿиаратә мҩеи ҭызҵаауаз ҵарауаҩны дыҟан. 1954 шықәсазы лара атема «Роман И. С. Тургенева «Накануне» ала акандидаттә диссертациа лыхьчеит, 1984 шықәсазы -  атема «И. С. Тургенев и писатели Франции XIX века» ала адоктортә диссертациа лыхьчеит. Лара дравторуп х-монографиак, аҵара-методикатә цхыраагӡатәқәеи агазеҭқәеи ажурналқәеи рҿы шәкы инареиҳаны еиуеиԥшым  апубликациақәеи.  Лара илыҩуан аԥсуа литературеи уи егьырҭ акультурақәа ишрымадоуи ртәы. 1953 шықәса инаркны Маргарита Глеб-иԥҳа лзанааҭтә усура  Аҟәатәи Аҳәынҭқарратә арҵаҩратә Институт аҿы имҩаԥысуан, анаҩс Аԥснытәи аҳәынҭқарратә Университет аҿы. Лара аус луан Ставропольтәи Аҳәынҭқарратә арҵаҩратә Институт (СГПИ) аурыс литература аҭоурых акафедра арҵаҩы еиҳабыс, 1985 шықәса инаркны ԥсраҽнынӡа – ААУ аурыси аҳәаанырцәтәи алитература аҭоурых акафедра аиҳабыс аус луан. Маргарита Ладариа иланашьан «Ареспублика Аԥсны зҽаԥсазтәыз анаука аусзуҩ» ҳәа аҳаҭыртә хьӡы. Лара иланашьан аорденқәа «Аҳаҭыр Адырга» («Знак Почета»), «Ахьӡ-Аԥша» II аҩаӡара, амедалқәа «Хамеигӡаралатәи аусуразы» («За доблестный труд»), «Аусураҿы ибзиаӡоу аихьӡарақәа рзы» («За отличные успехи в работе»), «Аџьа аветеран» («Ветеран труда»), –  ҳәа иазгәеиҭеит Дмитри Осиа.

Аҟәа. Нанҳәамза 1, 2025 шықәса. Аԥсныпресс. Аҟәатәи аплиажтә еиқәырхаҩцәа ркоманда аӡаҿы аиқәырхаҩцәа Жәларбжьаратәи Рымш иазкны Сириус имҩаԥысуаз аицлабрақәа рхы аладырхәит.  Аԥснытәи аиқәырхаҩцәа раԥхьаӡа акәны ас еиԥш иҟоу аицлабрақәа рахь ааԥхьара роуит. Урҭ, аӷба маҷқәа рзы аҳәынҭқарратә Маҵзура аиҳабы Ҭенгиз Сабуа иажәақәа рыла, даара ибзианы иқәгылеит, адҵақәа зегьы нарыгӡеит.

Аҟәа. Ԥхынгәымза 1, 2025 шықәса. Аԥсныпресс. Аихамҩатә станциа Гагрыԥшь  аус ауӡом 1992-1993шш. Аԥсны жәлар Рџьынџьтәылатәи еибашьра анхыркәшаха инаркны, абар шьҭа ҩажәижәаба шықәса инареиҳаеы араҟа изеиԥшразаалак аиҭашьақәыргыларатә усурақәа мҩаԥырымгаӡацт.

Аԥснытәи Аихамҩа анапхгараҭара астанциақәеи авокзалқәеи реиҭашьақәыргылара азҵаара ҷыда ахшыҩзышьҭра анаҭоит. Иазԥхьагәаҭоу апрограмма аҳәаақәа ирҭагӡаны, Ареспубликатә Унитартә Наплакы «Аԥснытәи аихамҩа» абиуџьет ахарџь ала, ахәҭакахьала Аҟәатәии Гәдоуҭатәи авокзалқәа еиҭашьақәыргылахеит, шьаҭанкыла аремонт ҟаҵоуп астанциа Абаҭаа аҿы, аԥснытәи аинвесторцәа рхарџь ала еиҭашьақәыргылоуп астанциа Ԥсырцха, аусурақәа хацыркуп астанциақәа Афон Ҿыци Гагрыԥшьи рҿы.

Аҟәа. Нанҳәамза 1, 2025 шықәса. Аԥсныпресс. Ԥхынгәымза, 2025 шықәсазы ашәатәқәа реицҵалыҵ  388,7 млн. мааҭ рҟынӡа инаӡеит, уи иазԥхьагәаҭаз арбагақәа раасҭа 103% рыла еиҳауп, ҳәа адырра ҟанаҵоит Аҳәынҭқарратә ҳазалхратә Еилакы апресс-маҵзура.

Аҟәа. Нанҳәамза 1, 2025 шықәса. Аԥсныпресс /Алеқсеи Шамба/. XXIII Амузыкатә фестиваль «Хьыбла Гьерзмаа шәаалыԥхьоит..» аартра иадҳәалаз аныҳәатә усмҩаԥгатә мҩаԥысит аԥшьаша, ԥхынгәымза 31 ауха, Аҟәа ақалақь аҿы.

Аҟәа. Ԥхынгәымза 31, 2025 шықәса. Аԥсныпресс. Аԥсны Апарламент адепутатцәа акредиттә еиҿкаарақәа рбанкротразы азакәан аиҭакрақәа ралагаларазы аӡбамҭа рыдыркылеит.

Апарламент адепутатцәа аҩбатәи аҵыхәтәантәи аԥхьараҿы «Акредиттә еиҿкаарақәа рбанкротразы» азакәан аиҭакрақәа ралагаларазы аӡбамҭа рыдыркылеит.

Аҟәа. Ԥхынгәымза 31, 2025 шықәса. Аԥсныпресс. Аҳәынҭқарра Ахада Бадра Гәынба иахьа Аҟәа иаатраны иҟоу XXIII Амузыкатә фестиваль «Хьыбла Гьерзмааԥҳа шәаалыԥхьоит.." аламҭалаз идикылеит Аԥсни Урыстәылеи Жәлар рартист,» Ахьӡ-Аԥша» I аҩаӡара аорден занашьоу Гьерзмааԥҳа Хьыбла, амузыкант, Урыстәыла жәлар рартист, Аҳәынҭқарра Ахада иҟны иҟоу акультуреи аҟазареи рзы Ахеилак алахәыла, Мацуев  Денис, Б. Шьукин ихьӡ зху Атеатртә аинститут аректор Книазев Евгени.  Аиԥылара иара убас рхы аладырхәит акультура аминистр Даур Ақаҩбеи амеценат Николаи Ачбеи.

Аҟәа. Ԥхынгәымза 31, 2025 шықәса. Аԥсныпресс. Жәлар Реизара-Апарламент адепутатцәа аҩбатәи, аҵыхәтәантәи аԥхьараҿы ирыдыркылеит «Ареспублика Аԥсны иҟоу хазы игоу акатегориақәа ирыҵанакуа атәанчаҩцәа ртәанчахәы ашьҭыхразы» Ареспублика Аԥсны Азакәан аиҭакрақәа ралагаларазы азакәан апроект.

Аҟәа. Ԥхынгәымза 31, 2025 шықәса. Аԥсныппресс.  Аҳәынҭқарратә аҭоурых-архитектуратә музеи-ҳәарԥсарра «Аҟәатәи абааш» аартра иазку аныҳәатә усмҩаԥгатә мҩаԥысит аԥшьаша, ԥхынгәымза 30 рзы.  

Аҟәатәи абааш – ари ажәытә бырзентә калонизациа инаркны иахьа уажәраанӡа Аҟәа ақалақь аҿиара зныԥшуа иуникалу аҭоурых-культуратә ҭынха абаҟа ауп.

Аҟәа. Ԥхынгәымза 31, 2025 шықәса. Аԥсныпресс. Аҳҭнықалақь Ахадара аусбарҭақәа ақалақь аҭеиҭыԥш арҽеиреи «Аӡырга азы» азакәан инақәыршәаны аӡыргатә дырранҵақәеи аԥыракқәеи рышьақәыргылара алыршареи рзы активла аус руеит.  Уажәазы иқәыргеит даҽа жаба изакәанымкәа ишьақәыргылаз аӡыргатә конструкциақәа.