Кавказтәи аибашьра иалаӡыз ргәаладыршәарц инеит Аҳәынҭқарра Ахада Бадра Гәынба, уи ихаҭыԥуаҩ Беслан Бигәаа, аԥыза-министр Владимир Делба, Жәлар Реизара аиҳабы Лаша Ашәба, Ахада Иусбарҭа анапхгаҩы Беслан Ешба, Жәлар Реизара адепутатцәа, Аиҳабыра, зҭоурыхтә ԥсадгьыл ахь ихынҳәыз амҳаџьырцәа рхылҵшьҭрақәа, ауаажәларра, астудентцәа, ашколхәыҷқәа.

Есышықәса еиԥш,маи 21 рзы Аԥсны иазгәарҭеит Кавказтәи аибашьра иалаӡыз ргәалашәара Амш.

«Ас еиԥш иҟоу аизыҟазаашьақәа рышьақәыргылара иахьа акырӡа аҵанакуеит. Аполитикатә кризисқәеи амитингқәеи рныррала акәымкәа, иҭынчу аҭагылазаашьаҿы аицәажәареи аиԥылареи рзы алшара ҳамоуп. Ҳара жәларык ҳауп, еицаҳзеиԥшу ҩнык ҳамоуп. Хықәкы хадас иҳамоуп ихьыԥшым Аҳәынҭқарра астатус аиқәырхара, асуверенитет ахьчара, ҳтәылауаа рыԥсҭазааразы иманшәалоу аҭагылазаашьақәа раԥҵара», - иҳәеит Гәынба.

Абри аҩыза аҳәамҭа ҟаиҵеит Беслан Бигәаа аполитикатә мчрақәа Рконсультативтә хеилак аԥҵара иазкыз Бадра Гәынба иԥылараан.

Аполитикатә мчрақәа Рконсультативтә хеилак аԥҵара иазкыз Аԥсны Ахада Бадра Гәынба имҩаԥигоз аиԥылараан апартиа «Жәлар ракзаара афорум» ахантәаҩы Аслан Барцыц иҳәеит:

Аполитикатә мчрақәа Рконсультативтә хеилак аԥҵара иазкыз Аԥсны Ахада Бадра Гәынба имҩаԥигоз аиԥылараан Аԥсны Жәлар Рџьынџьтәылатә еибашьра аветеранцәа руаажәларратә еиҿкаара «Аруаа» анапхгаҩы Ҭемыр Гәлиа иазгәеиҭеит аҿиара иаԥырхагоу аԥынгылақәа шыҟоу, аха урҭ ӡбазар шауа.

«Сара даара ахә ҳаракны исшьоит ас еиԥш аиԥыларақәа рымҩаԥгара. Уажәтәи апроцессқәа рҿы шьаҭанкыла сзықәшаҳаҭым ҳәа акгьы ыҟаӡам. Иҟоуп сзыргәырӷьо, аха иҟоуп макьана иӡбатәу азҵаарақәагьы, уи зегьы ибзианы еилыркаауеит. Сара еснагь аиқәшәареи адиалог амҩаԥгареи садгылоит.

Аҳәынҭқарра Ахада иҟны Ахеилак аԥҵара хықәкы хадас иамоуп атәыла аҿиаразы аполитикатә партиақәеи ауаажәларратә еиҿкаарақәеи зегьы рымчқәа реидкылара.

Урыстәылатәи Афедерациа адәныҟатәи аусқәа рминистр ихаҭыԥуаҩ Михаил Галузин дырԥылеит Аԥсны адәныҟатәи аусқәа рминистр Олег Барцыци, Аахыҵ Уаԥстәыла ахада иабжьагаҩ Константин Кочиеви, урҭ Кавказнҭыҵ ашәарҭадареи аҭышәынтәалареи ирызку Жәларбжьаратәи аиҿцәажәарақәа рҿы ртәылақәа рделегациақәа напхгара рырҭоит.

Абри атәы аанацҳауеит Уаԥстәыла аҳәынҭқарратә информациатә маҵзура.

Аделегациа аилазаараҿы иҟоуп: аԥыза-министр ихаҭыԥуаҩ, аҩныҵҟатәи аусқәа рминистр Роберт Кьиут, Аԥсны Урыстәыла аҩныҵҟатәи аусқәа рминистрра ахаҭарнак Сергеи Голенков, Аԥсни Урыстәылеи рыҩныҵҟатәи аусқәа русбарҭақәа еицырзеиԥшу аинформациа-координациатә центр адиректор Иури Марышев.