Жәларбжьаратәи акциа «Агәалашәара амца» аҳәаақәа ирҭагӡаны урыстәылатәи ауаажәларратә ҵысра «Жәлар рфронт» аделегациа Аҟәаҟа иааргеит Идырым Асолдаҭ инышәынҭраҿы Кремльтәи аҭӡы азааигәара ибылуа Наӡаӡатәи амца аҟәырҷаха зҭаз акәаҷаб.

Ацеремониа мҩаԥысуеит В.Г. Арӡынба ихьӡ зху ахьӡ-аԥша музеи аҿаԥхьа.

Ареспубликахь амца ааргеит «Жәлар рфронт» ахаҭарнакцәа – Аҳәынҭқарратә Дума адепутат Валери Гориуханов, арок-шәаҳәаҩы Мара Кана, аинтернационалтә ԥшыхәра-жәыларатә бригада «Донбасс абнатә дивизиаҿы» зхатәгәаԥхарала еибашьуа, Донецктәи жәлар рреспублика зҽаԥсазтәыз аҳақьым Борис Сычеников.

«Агәалашәара амца» аҟәырҷаха аҭара ацеремониа иалахәуп ахада ихаҭыԥуаҩ Беслан Бигәаа, ахада Иусбарҭа анапхгаҩы Беслан Ешба, Урыстәыла иҟоу Аԥсны ацҳаражәҳәаҩ Михаил Шургалин, Аԥсны иҟоу Россотрудничество ахаҭарнакра анапхгаҩы инапынҵақәа назыгӡо Вадим Банников, Аҟәа ахада Ҭемыр Агрба, атәыла ахада ицхырааҩ Алиас Аҩӡба, Апостолтә иашахаҵаратә уахәама анапхгаҩы Виссарион Аԥлиа, Аԥсны абыргцәа Рхеилак ахантәаҩы Аполлон Думаа.

Тҟәарчал араион Агәыбедиа ақыҭан имҩаԥысит жәларбжьаратәи аекологиа-патриоттә акциа «Агәалашәара абаҳча» ҳәа аанацҳауеит Аԥсны иҟоу Россотрудничество ахаҭарнакра.

Аԥсны аҿари аспорти русқәа рзы Аҳәынҭқарратә еилаки Ҟабарда-Балкариатәи Ареспублика аҿар русқәа рзы аминистрреи рыбжьара аусеицуразы амеморандум рнапы аҵарҩит Урыстәылеи Аԥсни еицымҩаԥырго аҿар рфорум аҿы.

Аартра мҩаԥысит аныҳәатә гәалаҟазаара ацны, амилаҭтә ҟазшьа аманы, игәылҭәаан аусутә программа, ахәылԥазы ашәаҳәареи акәашареи рыла ишьақәгылаз аконцерт дырбан.

Лаҵарамза 5 рзы, еиҭашьақәыргылаз XI ашәышықәсазтәи ауахәама аԥшьареи ахәылԥазтәи анцәаимҵаныҳәареи мҩаԥган, уи дахагылеит ахылаԥшҩы – аиереи Далмат Гоԥиа аиереи Никита Адлеиба аԥшьара ицымҩаԥигеит.

Лаҵарамза 6 рзы, Ацқьа Гьаргь игәалашәара амш аҽны ауахәамаҿы имҩаԥысит аныҳәатә џьартә ныҟәара зцыз иԥшьоу алитургиа.

Аҩӡба Алиас Витали-иԥа диит нанҳәамза 22, 1985 шықәсазы.
 
2001-2005 шш. - Аԥснытәи аҳәынҭқарратә университет афилологиатә факультет аҿы «Актиортә ҟазара» азанааҭ ала аҵара иҵон.
 
2005-2006 шш. – Аԥсны Аҳәынҭқарра Арбџьармчқәа рҿы аррамаҵзура дахысун.
 
2006-2007 шш. – Краснодар ақалақь аҿы ИАЕ «СЭНЕМИ» аспециалист хадас дыҟан.
 
2006-2008 шш. – аусутә центр «Феникс» адиректорс дыҟан.
 
2008 -2014 шш. – ауаажәларратә еилакы «Аԥсны аҿар» ахантәаҩыс дыҟан.
 
2009-2014 шш. – Урыстәылатәи Афедерациа Ахада иҟны иҟоу академиаҿы «Аҳәынҭқарратәи амуниципалтәи усбарҭа» азанааҭ ала аҵара аҵара иҵон.
 
2014-2015 шш. – Аԥсны аҵареи, аҭҵаарадырреи, аспорти, аҿартә политикеи рминистр ихаҭыԥуаҩыс дыҟан.
 
2015-2017 шш. – Аԥсны аҿартә политиказы Аҳәынҭқарратә еилакы ахантәаҩыс дыҟан.
 
2014-2022 шш. - Аԥснытәи аҳәынҭқарратә аҿар ртеатр дактиорын.
 
2022 ш.инаркны Аинтернационалтә бригада «Пиатнашка» даланы Иҷыдоу арратә операциа далахәуп, 1-тәи абаталион дакомандируп.
 
2023 ш. инаркны ауаажәларратә лагалақәа рыла Урыстәылатәи Афедерациа аҵара аминистр иабжьгаҩыс дыҟоуп.
 
Дҭаацәароуп, хҩык ахшара драбуп.

Аԥснытәи анапҟазацәеи аҭыжьыҩцәеи раалыҵ ацәыргақәҵа-аҭира аартызаауеит лаҵараиза 5 инаркны жьҭаарамза акынӡа.

Аизгақәа еиҿкаан СССР аспорт азҟаза, Аԥсни Урыстәылеи зҽаԥсазтәыз азыҟаҵаҩ, Леон иорден занашьоу Роман Чрыгбаиа игәалашәара иазку Жәларбжьаратәи атурнир аҽазыҟаҵара аҳәаақәа ирҭагӡаны. Урҭ рхы аладырхәит 25-ҩык аспортсменцәа. Ҷыдала ахшыҩзышьҭра арҭон абаҩрҵәыреи атехника-тактикатә ҽазыҟаҵареи.

Роман Чрыгбаиа игәалашәара иазку Жәларбжьаратәи атурнир мҩаԥгахоит лаҵарамза 6-9 рзы Гәдоуҭа.

Цыбулевскаиа Маиа Уасил-иԥҳа диит 1985 шықәса ԥхынгәымза 16 рзы.
 
2002 ш. далгеит А.П. Чехова ихьӡ зху Аҟәатәи абжьаратә школ № 14.
 
 2002 – 2007 шш - Аԥснытәи аҳәынҭқарратә университет абиологиа-географиатә факультет аҿы «абиологиа»азанааҭ ала аҵара лҵон;
 
2013 – 2015 шш.- Аԥснытәи аҳәынҭқарратә университет абиологиа-географиатә факультет амагистратурааҿы «аекологиа» ахырхарҭала аҵара лҵон;
 
2006-2009 шш. – Д. И. Гәлиа ихьӡ зху Аҟәатәи абжьаратә школ № 4 аҿы абиологиеи ахимиеи рырҵаҩыс аус луан;
 
2009 шықәса инаркны иахьанӡа-Аԥснытәи аҳәынҭқарратә университет абиологиа-географиатә факультет аҿы рҵаҩы еиҳабыс аус луеит;
 
2013-2021 шш. – А. С. Пушкин ихьӡ зху Аҟәатәи абжьаратә школ № 2 аҿы абиолога арҵаҩыс аус луан;
 
2012 шықәса инаркны иахьанӡа Аԥсны Аҭҵаарадыррақәа Ракадемиа аекологиа аинститут агидробиологиа аҟәша аҭҵаарадырратә усзуҩс дыҟоуп;
 
2025 ш.инаркны иахьанӡа – Аԥсны аҵара Аминистрра азеиԥш бжьаратәии азанааҭтәии ҵара аусбарҭа аиҳабыс дыҟоуп.
 
Дҭаацәароуп.

Атәыла ахада идҵала Беслан Џьопуа Аԥсны Аҳәынҭқарра ахада иабжьгаҩыс дҟаҵоуп.

Аҳәынҭқарра ахада иусԥҟала Беслан Ԥерцхьелиа Аԥсны ақыҭанхамҩа аминистрс дҟаҵоуп.

Ԥерцхьелиа Беслан Дмитри-иԥа диит рашәарамза 22, 1975 шықәсазы;
 
1999 шықәсазы Аԥснытәи аҳәынҭқарратә университет абиологиа-географиатә факультет далгеит «Абиологиа» азанааҭ ала;
 
1999-2005 шш. - Очамчыратәи абнатә нхамҩа ахылаԥшҩыс дыҟан;
 
2001-2004 шш. - Очамчыра араионтә еизара ахантәаҩы ихаҭыԥуаҩыс дыҟан;
 
2005-2007 шш. - Очамчыра араион ахада ихаҭыԥуаҩыс дыҟан;
 
2010 шықәсазы Аԥснытәи аҳәынҭқарратә университет агро-нџьныртә факультет далгеит.
 
2013-2014 шш. - Ареспублика унитартә наплакы «Ахш зауад» адиректор ихаҭыԥуаҩ дыҟан;
 
2023 ш. инаркны иахьанӡа-Аԥсны Ауаажәларратә палата далахәылоуп;  
 
Дҭаацәароуп. Хҩык ахшара драбуп.