Аныҳәатә усмҩаԥгатә еизнагеит асасцәа рацәаҩны, Аԥсны Ахада Бадра Гәынбеи иԥшәмаԥҳәыси, Ахада ихаҭыԥуаҩ Беслан Бигәаа, Жәлар Реизара аиҳабы Лаша Ашәба, Аԥсны иҟоу Урыстәыла ацҳаражәҳәаҩ Виачеслав Гладков, аминистрцәа Реилазаара алахәылацәа, Жәлар Реизара адепутатцәа.

Пицундатәи ауахәамаҿы имҩаԥысуаз афестиваль афбатәи, ахыркәшаратә мшы Амшын Еиқәа аԥшаҳәаҿы еиднакылеит еицырдыруа амузыкантцәеи хыԥхьаӡара рацәала аклассикатә ҟазара абзиабаҩцәеи. Ахыркәшаратә концерт хыԥхьаӡара рацәала ауаа аднгалеит. 

Нанҳәамза 2 рзы Аҟәа Хьыбла Гьерзмааи Пиотр Востоков иџьазтә оркестр Дуи еицырдыруа асовет ашәақәа ирылху  апрограмма ӡырыргоит. Исаак Дунаевски, Иури Милиутин, Александра Пахмутова рмузыка иалху акульттә фильмқәа рҟынтәи акомпозициақәеи иара убас Арно Бабаџьаниан, Вано Мурадели, Андреи Ешпаи рырҿиамҭақәеи нарыгӡоит. Асасцәа ирзыԥшуп Александр Цфасмани Едди Рознери рџьазтә композициақәа, иара убас узқәымгәыӷуа аинтерпретациала еицырдыруа аромансқәа.

Аԥыза-министр ихаҭыԥуаҩ Маиа Цыбулевскаиеи асоциалтә еиқәыршәареи адемографиатә политикеи рминистр Кама Аӡынбеи акризистә центр «Аҭаацәаратә ҩны» иаҭааит. Аиԥылараан ааӡамҭацәа рыбзазареи рынхашьа аҭагылазаашьақәеи еилыркааит, иара убас аусбарҭа аколлективи анапхгареи ирыҿцәажәеит.

Ауаҩы изинқәа рыхьчаразы азинмчы змоу Анас Кьышьмариа Урыстәылатәи ацҳаражәҳәаҩ Виачеслав Гладков аппарат аусурашьа изеиҭалҳәеит, дазааҭгылеит аусура ахырхарҭа хадақәа, аинститут аҿиара аԥеиԥш атәы.

«Аиҳабыра есыҽны аҭагылазаашьа иахылаԥшуеит, алогистикеи абылтәы анашьҭреи ирыдҳәалоу азҵаарақәа иахьынӡалшо ирласны рыӡбаразы Урыстәылатәи рколлегацәеи дареи иахәҭоу ауснагӡатәқәа зегьы еицымҩаԥыргоит», — иҳәеит Мышәба.

Амилаҭтә банк аҿы имҩаԥысит аҵара ибзиаӡаны иалгаз, амедалқәа занашьоу ашколқәа роушьҭымҭацәа ирызкыз ацеремониа. Аԥсны Абанк анапхгара аҿар ирыдырныҳәалеит алҵшәа бзиақәа, иагьазгәарҭеит рџьабаа. Аушьҭымҭацәа ирзеиӷьаршьеит аҵареи азанааҭтә усуреи рҿы ԥхьаҟатәи ақәҿиарақәа.

2026 шықәса актәи азыбжазы Аԥсны Аҳәынҭқарратә шәарҭадара амаҵзуреи ареспубликаҿы иҟоу Урыстәыла Афедералтә шәарҭадаратә маҵзура Аҳәаахьчаратә усбарҭеи русзуҩцәа аҳәынҭқарратә ҳәаа ахьчареи аҳәаахьчаратә режим аиқәыршәареи русхк аҟны аилагарақәа маҷымкәа иаадырԥшит.

Асахьаҭыхыҩ иԥҳа Елена Семенцова амузеи иалҭеит асахьақәа: «Аӡмах аҿы ахәылԥаз», «Аԥсны аԥхын», «Апеизаж», «Аԥсны ҭагалан».

Аҭыжьымҭа аԥшьыргеит Анатоли Лагәлаа ихьӡ зху афонд «Абиԥара» иара убас ашәҟәҭыжьырҭа SOCHI PRESS APSNY. Ашәҟәы ианылеит еиуеиԥшым ашықәсқәа раан автор иаԥиҵаз иҩымҭақәа.