Аҟәа. Ԥхынҷкәынмза 29, 2025 шықәса. Аԥсныпресс. Жәлар Реизара-Апарламент Аҳәынҭқарратә миграциатә Маҵзура Аушьҭра-гәаҭаратә Ҭыԥ «Ԥсоу» аҿы аусура ажьырныҳәамза 1, 2028 шықәса рҟынӡа иацнаҵеит.  

Адепутатцәа азакәанԥҵаратә шәҟәынҵақәак аиҭакрақәа аларгалеит.

Аҟәа.  Ԥхынҷкәынмза 29, 2025 шықәса. Аԥсныпресс.  Ԥхынҷкәынмза 29 рзы Аҟәа ақалақь аҿы Аԥсны Актәи Ахада Владислав Арӡынба диижьҭеит 80 - шықәса аҵра иазкны имҩаԥгаз Аԥсны ажурналистцәа Реидгыла аконкурс «Сыԥсҭазаара зегьы ҵакыс иамоу —Аԥсны ахакәиҭра ауп» аҿы аиааира згаз аҳамҭақәа ранашьара ацеремониа мҩаԥысит.

Ажурналистцәа Реидгыла ахантәаҩы Руслан Ҳашыг иажәақәа рыла занӡа аконкурс ахь инаган 30 усумҭа. Урҭ рахьынтә иалкаахеит 12 ажурналисттә материалқәа.

Иара Аԥсны Актәи Ахада Владислав Григори-иԥа Арӡынба диижьҭеит 80 - шықәса аҵра иазку аиубилеитә усмҩаԥгатәқәа реиҿкаареи рымҩаԥгареи рзы Аҳәынҭқарратә комиссиа алахәылацәа ажурналистцәа Реидгыла аконкурс аԥхьахәтә фонд 150 нызықь мааҭ рыла ашьҭыхра азы иҟааҵаз ажәалагала иахьадгылаз азы иҭабуп ҳәа реиҳәеит. Уи иабзоураны аконкурс аӡбаҩцәа ареитинг материалқәа зегьы ралкааразы алшара роуит.   

Аҟәа. Ԥхынҷкәынмза 29, 2025 шықәса. Аԥсныпресс. Аԥсны Аҳәынҭқарра Урыстәылатәи Афедерациа Адәныҟатәи аусқәа рминистрра аофициалтә хаҭарнак Мариа Захарова «Sputnik Қырҭтәыла» аинтервиу аҭо Аахыҵ Кавказ, ҷыдала Қырҭтәыла, аганахь ала Аҩадатлантикатәи алианс имҩаԥнаго аполитика аҭагылазаашьа ашьақәҟьара алзыршо аҟазшьақәа амоуп, арегионалтә шәарҭадаразы ацәшәара дуқәа ацуп ҳәа илҳәаз хшыҩзышьҭрала, еилкаарыла иазнеиуеит.

Аҟәа. Ԥхынҷкәынмза 29, 2025 шықәса. Аԥсныпресс /Алеқсеи Шамба/. Ашәахьа, ԥхынҷкәынмза 29 рзы имҩаԥысыз аминистрцәа Реилазаара аилатәара аҿы атәыла аԥсҭазаара асоциалтә, аенергетикатә, аекономикатә усхкқәа ҳәаақәызҵо ақәҵарақәа рыдыркылеит. Ирыдыркылаз аиҭакрақәа реиҳарак азинмчы роуеит ажьырныҳәамза 1, 2026 шықәса инаркны. Урҭ ауааԥсыра адгылара рыҭареи аҳәынҭқарратә хылаԥшра арӷәӷәареи иазырхоуп. Убас, Аԥсны аминистрцәа Реилазаара аенергетикатә усхкы аҿы ауааԥсыра рзы афымцалашара ахәшәаразы иҟоу атарифқәа ааннажьит 2026 шықәса мшаԥымза 1 аҟынӡа, ахәԥса уаанӡа еиԥш  фазакны иҟоу аҿакрақәа рзы 1,70 мааҭ, х-фазакны иҟоу рзы -  2,20 мааҭ аҩаӡараҿы иаанхеит. Аамҭак ала асоциалтә нормативқәа рҳәаақәа ирҭагӡаны иалагалоу альготақәа ахархәара змоу афымцамч ахәԥса аҟынтәи 50% артәоит. Ари альготақәа 1, 2026 шықәса инаркны абарҭ акатегориақәа ирыҵанакуа Аԥсны атәылауаа афымцамч ахә ахшәаара азы ирзышьақәыргылахоит 1-тәи агәыԥ иаҵанакуа аинвалидцәа, ақыҭақәа рҿы иҟоу аҳәынҭқарратә азеиԥшҵаратә усбарҭақәа рҿы аус зуа арҵаҩцәа, зықәра намӡац хҩык, ма инареиҳаны ахәыҷқәа змоу змоу аҭаацәарақәа, зхала иҟоу анацәа, аҭаацәара алаларада ахәыҷы ааӡара дызгаз аҳәсагьы уахь иналаҵаны.

Аҟәа. Ԥхынҷкәынмза 29, 2025 шықәса. Аԥсныпресс. Аԥсны Апарламент адепутатцәа Гагратәи араионтә ӡбарҭеи Аҟәа ақалақьтә ӡбарҭеи рахь аӡбаҩцәа ралхразы рыбжьы арҭеит.

Нарҭ Ломиа — Гагратәи аӡбарҭа аӡбаҩс далхуп. Уи рыбжьы ирҭеит 30-ҩык адепутатцәа, аӡәы –мап икит.

Аҟәа.  Ԥхынҷкәынмза 29, 2025 шықәса. Аԥсныпресс. Аԥсны Жәлар Реизара-Апарламент адепутатцәа актәи аԥхьараҿы ирыдыркылеит «Атауарқәа раахәара, аусурақәеи амаҵзурақәеи рынагӡара аусхкы аҿы аиқәшаҳаҭратә система азы» азакәан апроект.  

Аҟәа. Ажьырныҳәамза 8, 2026 шықәса. Аԥсныпресс. Аетно-мурал «Аиҭаҿиара» («Возрождение») аадыртит Ҭҟәарчал ақалақь аҿы. Уи Аԥсны аҽыбӷаҟазаратә традициақәа ирызкуп.

Аҭыԥантәи аспорттә школ аҿаԥшыларатә ган аҿы иарбоу арт-обиект аԥырҵеит афестиваль «Амандарин» аҳәаақәа ирҭагӡаны. Асахьаҿы аҽыбӷаҟазацәа арбоуп, убас авторцәа аҽыбӷаҟазара аԥсуа традициақәа рҿы иааннакыло ароль аарԥшра рҽазыршәеит.   Апроект аус адыруалон акоманда Street Art Abkhazia асахьаҭыхыҩцәа Арсоу Берзениеи Кадыр Тәанбеи.

Аҟәа. Ажьырныҳәамза 8, 2026 шықәса. Аԥсныпресс. Иҿыцу ацитрустә гибрид — минеолу — Аҟәа ақалақь, афестиваль «Амандарин» аҳәаақәа ирҭагӡаны ақыҭанхамҩатә цәыргақәҵа аҿы аӡыргара мҩаԥысит.

Аҟәа. Ажьырныҳәамза 5, 2026 шықәса. Аԥсныпресс.  Аԥсны адәныҟатәи аусқәа рминистр ихаҭыԥуаҩ Одиссеи Бигәаа аофициалтә Қарҭ аҳәамҭа азы ахҳәаа ҟаиҵеит.

Адипломат Мамука Мдинараӡе уаанӡа иҟаиҵаз аҳәамҭеи асоциалтә ҳа X аҿы Қырҭтәыла адәныҟатәи аусқәа рминистрра иҟанаҵаз адырраҭареи обиективла ишьақәгылаз арегионалтәи жәларбжьаратәи ареалиақәа аадырԥшӡом ҳәа аҳәамҭа ҟаиҵеит. Уи иажәақәа рыла, ақырҭуа политикатә спектр хазы игоу ахаҭарнакцәак, жәларбжьаратәи апроцессқәа рхатә политикатә зыԥшрақәа инарықәыршәаны рыҟаларазы рҽазышәарақәа, Аԥсны асуверентә ҳәынҭқарра аҳасабала иамоу астатус заԥсахӡом. Аԥсны Аҳәынҭқарра исуверентәу ҳәынҭқарроуп, милаҭрацәала еилоу ажәлар рхы иақәиҭны, изныкымкәа ишьақәырӷәӷәаны иаадырԥшхьоу ргәаҳәара ашьаҭала еиҿкаауп. Иарбоу апринцип аԥсуа ҳәынҭқарра иашьагәыҭуп, адәныҟантәгьы аиҭахәаԥшра ҟалаӡом. Боливариантәи Ареспублика Венесуела налаҵаны, аҳәынҭқаррақәа жәпакы рганахь ала Аԥсны Аҳәынҭқарра ахьыԥшымра азхаҵара урҭ дара адәныҟатәи аполитика анагӡаразы ирымоу суверентә зинуп.

Аҟәа. Ажьырныҳәамза 7, 2026 шықәса. Аԥсныпресс. Афестиваль «Амандарин» аҳәаақәа ирҭагӡаны аплатформа «Гәыма» аҿы имҩаԥысуеит мышкы аус зуло ацәыргақәҵа-џьармыкьа.

Аусмҩаԥгатә аслоган «Иҟаҵоуп Аԥсны» аҵаҟа еиднакылеит аҭыԥантәи афермерцәеи анапҟазацәеи. Ацәыргақәҵа-џьармыкьа аҿы ицәыргақәҵоуп акерамика (акыцӡры), аҿыханҵа, амилаҭтә инструментқәеи асувенирқәеи. Ахәҭакахьала, аҟазарҭа  «Ашыц» ицәырнагеит зыхә ҳараку аҵламаҭәахә иалху аҟаҵамҭақәа, аҟаза Даҭо Гьергьедаа иакәзар  – дамассктәи аџыр иалху автортә ҳәызбақәа ӡыригоит.