Аҟәа. Рашәарамза 26, 2025 шықәса. Аԥсныпресс. Аԥсны Аҳәынҭқарра адәныҟатәи аусқәа рминистр Олег Барцыц Шьамтәылатәи Арабтә Республикахь иусуратә визит аҳәаақәа ирҭагӡаны, Шьамтәыла иҟоу аԥсуа-адыгатәи ачерқьестәи диаспорақәа рхеидкылақәа рхаҭарнакцәа рԥыларақәа жәпакы мҩаԥигеит, ҳәа адырра ҟанаҵоит Аԥсны адәныҟатәи аусқәа Рминистрра апресс-маҵзура.

Аиԥыларақәа рхы рыладырхәит адиаспорақәа рнапхгаҩцәа: Адыга-Хасе ахантәаҩы - Гасан Шора, ачерқьестә гәыҳалалратә ассоциациа "Аидгылара" ахантәаҩы Абдул Раҳман Багаса, Кисуа араион аҿы иҟоу аԥсуа-черқьестә диаспора ахантәаҩы – Фаҳми Абаза.

Аҟәа. Рашәарамза 26, 2025 шықәса. Аԥсныпресс.  Апроект “Аԥсны ахәыҷқәа зегьы рзы агәабзиара” иалахәыз амедусзуҩцәа Аԥсны агәабзиарахьчара Аминистрра амедалқәеи аџьшьаратә шәҟәқәеи ранаршьеит, ҳәа адырра ҟанаҵоит Аԥсны агәабзиарахьчара Аминистрра апресс-маҵзура.

Аҟәа. Рашәарамза 26, 2025 шықәса. Аԥсныпресс. Дамаск ақалақь Тишринтәи ахан аҟны Аԥсны Аҳәынҭқарра адәныҟатәи аусқәа рминистр Олег Барцыци Шьамтәылатәи Арабтә Республика адәныҟатәи аусқәеи аҳәаанырцә иҟоу аџьынџьуаа русқәеи рзы аминистр Асад Ҳасан Аль-Шаибании реиԥылара мҩаԥысит.

Аҟәа. Рашәарамза 26, 2025 шықәса. Аԥсныпресс. 2025 шықәса рашәара 26 азы, Женева ақалақь аҿы, Кавказ ашәарҭадареи аҭышәынтәалареи рзы Жәларбжьаратәи аиҿцәажәарақәа 64-тәи рраунд аҩбатәи аусуратә мшы мҩаԥган.

Аҟәа. Рашәарамза 26, 2025 шықәса. Аԥсныпресс. Аԥсны араионқәа зегьы рҟынтәи 100-ҩык инарзынаԥшуа аҵаҩцәа Сириус имҩаԥгахо Урыстәылазегьтәи абал ахь ицоит.  Аҵара Аминистрра азеиԥш, абжьаратә, апрофессионалтә ҵара аусбарҭа аиҳабы Маиа Цыбулевскаиа иҟалҵаз адыррақәа рыла, абал алахәхаразы иалԥшаан ашколқәа иреиӷьу аҵаҩцәа. Дара зегьы амедицинатә гәаҭара иахысит, иахәҭоу аусшәҟәқәагьы роуит.

«Урыстәылазегьтәи абал ахь ацара – ҳара ҳзы акыр зҵазкуа хҭысуп, избан акәзар, Аԥснынтәи ахәыҷқәа раԥхьаӡа акәны ас еиԥш иҟоу аусмҩаԥгатә рхы аладырхәуеит. Ашколхәыҷқәа аҭакԥхықәра ду рыдлот ҳтәыла ахаҭарнакра аганахьала», - ҳәа иазгәалҭет лара.

Аҟәа. Рашәарамза 26, 2025 шықәса. Аԥсныпресс. Аладатәи аоперативтә ҳазалхра аусзуҩцәа Аԥснынтәи Урыстәылатәи Афедерциаҟа аҳазалхратә закәанԥҵара аилагарала аҳәаанырцәтәи автомашьына аиагара афакт аадырԥшит, ҳәа адырра ҟанаҵоит Аладатәи аоперативтә ҳазалхра апресс-маҵзура.

Аҟәа. Рашәарамза 25, 2025 шықәса. Аԥсныпресс. Ԥхынгәымза  5 рзы Аҟәа ақалақь аҿы иазгәарҭоит аҳҭнықалақь Амшныҳәа. Аҟәа ақалақь амш аҳаҭыр азы агәырӷьаратә усмҩаԥгатәқәа ҟалоит. Аныҳәатә усмҩаԥгатәқәа рыплан шьақәырӷәӷәоуп.

Аҟәа. Рашәарамза 25, 2025 шықәса. Аԥсныпресс. Ацрыӡрыцқьарҭақәа дыргылаанӡа афонҿыцтәи аӡҭакқәа рҭагылазаашьа арҽеиразы аамҭалатәи аӡбара ҳәа ҩ-гәаанагарак ыҟоуп, ҳәа Аҳәынҭқарра Ахада Бадра Гәынба адҵа анагӡаразы адырра ҟаҵо иҳәеит Шьаҭанкыла аргылара Аусбарҭа аиҳабы Дамир Гамсаниа.  

«Адҵа анҳау ашьҭахь ҳара анҭыҵтәи акомиссиа аԥаҳҵет. Аекологцәа ҳацны аӡҭакқәа ҳарҭааны игәаҳҭеит. Иҷыдоу акомиссиа Афонҿыцтәи апарк аҿы иҟоу аӡҭакы аҟьашьра зыхҟьаз еилнакааит.

Аекологцәа излашьақәдыргылаз ала, ааигәатәи асанаториақәа рыӡцарҭақәа рҟынтәи аӡҭакы ахимиатә маҭәашьарқәа ахьалало иахҟьоит. Урҭ амаҭәашьарқәа, ари атуристцәа рылаԥш хызкуа аӡҭакы аекосистема ԥхасҭартәуеит», – ҳәа иҳәеит Дамир Гамсаниа.

Аҟәа. Рашәарамза 25, 2025 шықәса. Аԥсныпресс. Аҟәа ақалақь ахада Ҭемыр Агрба Аҟәа араион Алада Ешыра ақыҭан иҟоу ацрыӡрыцқьаратә шьақәыргылагақәа ркомплекс агәаҭара мҩаԥигеит.

Аӡымҩахгагеи аӡымҩангагеи егьырҭ амеханизмқәеи рҭагылазаашьа агәаҭара ашьҭахь, Ҭемыр Агрба аԥсахгахәҭақәа рыԥшаареи раахәареи раагареи  арманшәалара алыршаразы адҵа ҟаиҵеит. Абри азы адырра ҟаиҵеит ақалақь ахада ихаҭыԥуаҩ Константин Ҭарба.

Аҟәа. Рашәарамза 25, 2025 шықәса. Аԥсныпресс. Аҳәынҭқарра Ахада Бадра Гәынба идҵа инақәыршәаны Шьаҭанкыла аргылара Аусбарҭа аспециалистцәа Аҟәа ақалақь агәаҿы игылоу, Дырмит Гәлиа илитература-мемориалтә ҩны-амузеи ахыбра ауадақәа рҭагылазаашьа гәарҭеит.

Шьаҭанкыла аргылара Аусбарҭа аиҳабы Дамир Гамсаниа иажәақәа рыла, ахыбра шьаҭанкыла аиҭашьақәыргылара аҭахны иҟоуп.