Ақалақьтә ԥшаҳәа аиҭашьақәыргыларазы аусурақәа ирылагеит амшцәгьа иахҟьаны иҟаз амшынцәқәырԥа агаҿа аинфраструктура аԥхасҭа ӷәӷәа ананаҭа ашьҭахь. Уажәазы аргылаҩцәа 1700 метра рҟынӡа инаӡо аԥшаҳәа ахәҭа шьаҭанкыла еиҭашьақәдыргылахьеит. Иахьатәи аамҭазы аусурақәа рыхәԥса  136 миллион мааҭ артәахьеит. Аиҭашьақәыргылараан анџьныртә ҳақәа шьаҭанкыла ирыԥсахит, ҳаамҭазтәи арлашагатә цәаҳәақәа ықәдыргылеит.

Гагра ақалақь аҿы ахәыҷбаҳча ҿыц «Абырлаш» аусура иалагеит. Акрызҵазкуа асоциалтә обиект аргыларазы аԥара азоужьын аҭыԥантәи абиуџьет аҟынтәи.

Атәыла ахада хаҭала дрыҿцәажәеит абиологиеи абиомедицинеи рфакультет астудентцәа. Ԥхьаҟатәи аспециалистцәа аҳәынҭқарра ахада изеиҭарҳәеит ари иҷыдоу арҵаратә базаҿы ироуз атеориатә дыррақәа апрактикаҿы ишышьақәдырӷәӷәо.

Гагра араион Багрыԥсҭа ақыҭан ахәыҷбаҳча «Ашана» аартра иазкыз аныҳәатә усмҩаԥгатә мҩаԥысит. Ахәыҷбаҳча 30 шықәса аус ауӡомызт.

Пицунда ақалақь аҿы ахәыҷбаҳча «Амзар» аартра иазкыз аныҳәатә усмҩаԥгатә мҩаԥысит.

«Борис Виктор-иԥа патриот иашан, иус ҭакԥхықәрала дазнеиуан, ихатә гәаанагара иман. Иԥсҭазаара зегьы иԥсадгьыл амаҵ аура иазикит, иуаажәлар ринтересқәа рыхьчара дазықәԥон, амилаҭтә культура арҿиара  дашьҭан.

Агәаҭарақәа хацыркхеит аҳҭнықалақь авокзал иахьаҵанакуа, адәқьан «Черқьессктәи адунеи» азааигәара.

Аиԥылараан аганқәа алацәажәеит аԥсуа-аурыс усеицура актуалтә зҵаарақәа, иара убас Аԥсны Аҳәынҭқарреи Урыстәылатәи Афедерациеи рыбжьара аидгыларатә еизыҟазаашьақәа аринахысгьы рырӷәӷәара аԥеиԥш.

Аҩныҵҟатәи аусқәа  рминистрра  Аҳәынҭқарратә автомобилтә инспекциа Аусбарҭа анапхгаҩы Дамеи Аҩӡба аԥсуа телехәаԥшраҿы имҩаԥысыз апресс-конференциаҿы аусура абжьаратә еихшьаалақәа ҟаиҵеит, апроблема хадақәа дрылацәажәеит.

Аҵараиурҭа еиҭашьақәдыргылоит 2026-2028 шықәсқәа рызтәи Аԥсны Аҳәынҭқарра асоциал-економикатә ҿиара ацхрааразы Аинвестициатә программа аҳәаақәа ирҭагӡаны.