Аҟәа. Цәыббрамза 1, 2025 шықәса. Аԥсныпресс. Ахәыҷы изинқәа рыхьчаразы Азинмчы змоу Мактина Џьынџьалԥҳа аҵаҩцәа, арҵаҩцәеи аҭаацәеи Адыррақәа Рыши аҵарашықәс ҿыц алагареи рыдылныҳәалеит.

«Цәыббрамза 1 – ҳара зегьы ҳзы иҷыдоу мшуп. Ари амш агәыӷрақәеи агәазыҳәарақәеи рыла игәылҭәаауп, аҩызцәа, арҵаҩцәа рԥылара иамшуп, иҿыцу адыррақәеи аихьӡарақәеи рахь амҩа аазыртуа мшуп.

Аҟәа. Цәыббрамза 1, 2025 шықәса. Аԥсныпресс. Атәыла аԥыза-министр Владимир Делба цәыббрамза 1 азы Ҭҟәарчал ақалақь даҭааит. Кь. Чачхалиа ихьӡ зху ашкол №1 аҿы иара аныҳәатә цәаҳәақәгылара ихы алаирхәит, ашкол аҵаҩцәа аҵарашықәс ҿыц алагара рыдиныҳәалеит.  

Аҟәа. Цәыббрамза 1, 2025 шықәса.  Аԥсныпресс.   Аҳәынҭстандартә аусзуҩцәа Аилак ахантәаҩы Нарсоу Сангәлиа инапхгарала Риҵатәи ареликттә милаҭтә парк аҿы иазԥхьагәаҭаз агәаҭара мҩаԥыргеит.

Дара азеиԥш крыфара аобиектқәа – «Сыроварня», «Винный  двор», «Хуапская  долина» рҿы афатә аҟаҵара апроцесс, атехникатә шәарҭадара, иара убас азинҭаратә усшәҟәқәа рыҟазаара гәарҭеит.  Аинспекторцәа убасҵәҟьа ааигәа ахархәарахь ирыҭаз аресторан «Аӡиас» иаҭааит.

Аҟәа. Цәыббрамза 1, 2025 шықәса. Аԥсныпресс.  Цәыббрамза 1, Адыррақәа Рымныҳәа аҽны, Аԥсны 151 школ аҵаҩцәа раԥхьа рышәқәа аадыртит.  Даҽа школк, Гәдоуҭатәи ашкол №4, ҩы-мчыбжь рышьҭахь, аиҭашьақәыргыларатә усурақәа анхыркәшахалак ашьҭахь  иаатуеит.

Сынтәа Аԥсны иахьаҵанакуа актәи акласс ахь ицеит 2 500-ҩык рҟынӡа ахәыҷқәа.

Аԥсны Ахада Бадра Гәынба иҟаиҵаз анапынҵала Аҵара аминистрра сынтәа раԥхьаӡакәны актәи акласс ахь ицаз аҵаҩцәа аҳамҭақәа рызнархиеит. Урҭ зегьы хаҭа-хаҭала иранашьан актәи акласс ахь ицо аҵаҩы ииҭаху маҭәахәыла иеиқәыршәоу ашәырақәа.

Аҟәа. Цәыббрамза 1, 2025 шықәса. Аԥсныпресс.  Бадра Гәынба Краснодартәи атәылаҿацә агубернатор Вениамин Кондратиев 55 шықәса ихыҵра идиныҳәалеит, ҳәа адырра ҟанаҵоит Аҳәынҭқарра Ахада ипресс-маҵзура.

 Адныҳәаларатә цҳамҭаҟны иҳәоуп:

«Ҳаҭыр зқәу Вениамин Иван-иԥа!

Гәык-ԥсык ала ишәыдысныҳәалоит 55 шықәса шәхыҵра арыцхә!

Ҷыдала иҭабуп ҳәа шәасҳәарц сҭахуп Аԥсны иашәҭо адгыларазы, иҳашәҭо азҿлымҳаразы, агәылараеимабзиаратә еимадарақәа рырӷәӷәара иашәҭо ахылаԥшразы.

Аҟәа. Цәыббрамза 1, 2025 шықәса. Аԥсныпресс. Жәлар Реизара-Апарламент Аиҳабы Лаша Ашәба Адырра амш азы ашколхәыҷқәеи астудентцәеи дрыдныҳәалеит.

Адныҳәалараҿы, ахәҭакахьала иазгәаҭоуп:

«Акыр иаԥсоу ашколхәыҷқәа, астудентцәа! Ҳаҭыр зқәу арҵаҩцәа, аҭаацәа!

Аԥсны Жәлар Реизара – Апарламент ахьӡала ишәыдысныҳәалоит аҵарашықәс ҿыц алагамҭа! 

Цәыббрамза 1 – аҵара аус знапы алаку дарбанзаалак изы акрызҵазкуа мшуп. Ари амш аҽны ихацыркхоит аԥеиԥш ашҟа, адыррақәа рышҟа амҩа. Уи символра азнауеит абиԥарақәа реимадара, аџьа абзиабара, аҿиара, аизҳара агәазыҳәара.

Аҟәа. Цәыббрамза 1, 2025 шықәса. Аԥсныпресс. Аҳәынҭқарра Ахада Аҟәа ақалақь Аҳабла Ҿыц аҟны аспорттә шҭа аартра далахәын, ҳәа адырра ҟанаҵоит Аҳәынҭқарра Ахада ипресс-маҵзура.

Аҟәа. Цәыббрамза 1, 2025 шықәса. Аԥсныпресс. Аҳәынҭқарра Ахада ашколхәыҷқәеи арҵаҩцәеи аҵарашықәс ҿыц алагамҭеи Адырра амши рыдиныҳәалеит, ҳәа адырра ҟанаҵоит Аҳәынҭқарра Ахада ипресс-маҵзура.

Адныҳәалараҿы, ахәҭакахьала иҳәоуп:

Акыр иаԥсоу аҵаҩцәа, арҵаҩцәа, аҭаацәа!

Гәык-ԥсык ала ишәыдысныҳәалоит Адырра амши аҵарашықәс ҿыц алагамҭеи!  Ари амш адыррақәа, аартрақәа ирызку агәыӷрақәа, аус ҿыцқәа рхацыркра символра азнауеит.

Изызҳауа абиԥарақәа рҵараиура ҳара ҳзы хадароу злоу хырхарҭоуп. Аҵара ахаҭабзиара аиӷьтәра инаваргыланы, атәыла анапхгара Аҵара аминистрра аҿаԥхьа акрызҵазкуа уснагӡатәны иқәнаргылоит  аҿар рлеишәа-патриоттә ааӡара ҷыдала хшыҩзышьҭра аҭара. 

Аҟәа. Цәыббрамза 1, 2025 шықәса. Аԥсныпресс.  Бадра Гәынба Адырра амш азы Аҟәа, Аҳабла ҿыц аҟны иҟоу абжьаратәи ашкол № 5 даҭааит. Аҳәынҭқарра Ахада ихаҭа ари ашкол далгеит.

Цәыббрамза 1 ишаԥу еиԥш, акәашарақәа, ашәаҳәара, ажәеинраалақәа рыԥхьарала еиҿкаау аныҳәатә цәаҳәала иазгәарҭеит.

Аҟәа. Нанҳәамза 30, 2025 шықәса. Аԥсныпресс. Аԥсны Ахада Бадра Гәынба Амедиатә шьапылампылтә лига анапхгаҩы диԥылеит.

Аиԥылара иалахәын Аԥыза-министр ихаҭыԥуаҩ, Аҿари аспорти русқәа рзы Аҳәынҭқарратә еилакы ахантәаҩы инапынҵақәа назыгӡо Ҳагба Ҭарашь, Ашьапылампыл афедерациа ахада Логәуа Шабаҭ, иара убас Урыстәыла Амедиатә шьапылампылтә лига аоперациатә директор Кәартаа Дмитри.