Аҟәа. Хәажәкырамза 12, 2025 шықәса. Аԥсныпресс.  Атәыла аԥыза-министр актәи ихаҭыԥуаҩ инапынҵақәа назыгӡо Џьансыхә Нанба 1941-1945шш.Аџьынџьтәылатәи еибашьра Дуӡӡа аҿы Аиааира агара Амш 80-шықәса ахыҵра азгәаҭара иазку аныҳәатә, агәалашәаратә усмҩаԥгатәқәа реиҿкаареи рымҩаԥгареи рзы аҳәынҭқарратә комиссиа аилатәара мҩаԥигеит.

Аҟәа. Хәажәкырамза 12, 2025 шықәса. Аԥсныпресс /Алеқсеи Шамба/. Жәлар Реизара-Апарламент аҳәынҭқарра-зинтә политика азы Аилак аҿы адепутат Кан Кәарҷиеи ауаажәларратә усзуҩ Леуан Миқаиеи Урыстәылатәи Афедерациа атәылауаҩра рымхреи амузыкант Барас Кәыџба Урыстәылаҟа ахыҵразы азин имхреи ажурналист Инал Ҳашыг Урыстәыла аиустициа Аминистрра ала аиноагентс иазхаҵара, уҳәа азҵаарақәа рзы аилацәажәара мҩаԥысит.

Аилатәара ахь ааԥхьара рыҭан Аҩныҵҟатәи аусқәа Рминистрра, Аҳәынҭқарратә шәарҭадара Амаҵзура, арепатриациа азы Аҳәынҭқарратә Еилакы анапхгараҭара, Ауаажәларратә Палата алахәылацәа. Аҩныҵҟатәи аусқәа Рминистрреи Аҳәынҭқарратә шәарҭадара Амаҵзури рхаҭарнакцәа аиԥыларахь имааӡеит. Аилак ахантәаҩы, адепутат Дауҭ Хәытаба уеизгьы аилатәара амҩаԥгареи  Кан Кәарҷиеи Леуан Миқааи Инал Ҳашыги аиԥыларахь иааиз ауаажәларратә усзуҩцәеи адепутатцәеи ирзыӡырҩырц ажәалагала ҟаиҵеит.

Атәыла анапхгара иарбоу азҵааразы апозициа  аанарԥшыроуп.  

Леуан Миқаа игәаанагарала рыцҳарас иҟалаз, Аԥсны анагӡаратә мчра аусбарҭақәа атәылауаа рыхьчара азы ишиашоу инанагӡаша аҭакԥхықәра нанагӡаӡом, убри аҟнытә «ҿымҭ ахәмарра ҵакы аманы иҟаӡам шьҭа»  .

«Иуадаҩӡоу аҭагылазаашьа аан Апарламент – ари иҟалаз алацәажәаразы здаҟам плошьадкоуп», – ҳәа иазгәеиҭеит иара.

Дауҭ Хәытаба дақәшаҳаҭхеит Аҩныҵҟатәи аусқәа Рминистрреи Аҳәынҭқарратә шәарҭадара Амаҵзуреи рганахьала иақәнаго азхьаԥшра ыҟазарц шахәҭаз, аха убри аан атәылауаҩра зымхызгьы, урҭ рганахьала Урыстәылатәи аӡбаратә усбарҭақәа рҿы ирыдыркылаз аӡбаратә зыӡбақәа разашшра азы азин рымоуп ҳәа иазгәеиҭеит.

«Ҳара ҳазхиоуп ихымԥадатәиу ацхыраара шәыҭара», - ҳәа иажәа иацҵо иҳәеит иара.

Леуан Миқаа атәылауаҩра амхра азы ҵаҵӷәыс иҟалаз абҵарамза,  2024 шықәса рзы иҟаз ахҭысқәа роуп, усҟан аоппозициа Урыстәылеи Аԥсни аинвестициатә еиқәшаҳаҭра рыбжьаҵара иаҿагылеит, избан акәзар уи Аԥсны аинтерессқәа ирықәшәаӡомызт ҳәа инаҵшьны иазгәеиҭеит.  

«Амитинг ахь ицәырызгаз, иарбоу аиқәшаҳаҭра аԥхасҭазара анаҩс урыстәылатәи аполитикцәагьы иазхарҵеит. Ҳара ҳнапхгарагьы уи азханаҵароуп. Ҳара аҳәынҭқарра зышьақәҳаргылоз уи ҳара ҳинтерессқәа ахьчаларц азы акәын. Урыстәылатәи Афедерациа акомпетенциа ахь мацара азхьарԥшра иашаӡам ҳәа исыԥхьаӡоит», – ҳәа агәра ганы дыҟоуп иара.

Адепутат Кан Кәарҷиа атәылауаҩра амхреи аиноагент истатус аҭареи зтәыла асуверенитет зыхьчо ауаа ирҿагыланы имҩаԥгоу ауснагӡатәқәа роуп, амҳаџьыраа рхылҵышьҭрақәа, ҳџьынџьуаа Урыстәылантәи рдепортациа атәы акәзар, уи иаанаго «ҳџьынџьуаа ҳхашҭырц иҳадыргалоит ҳәа ауп ҳәа иазгәеиҭеит. Арепатриациа азы Аҳәынҭқарратә Еилакы ахантәаҩы Вадим Ҳаразиа алхрақәа рымш аҽны ԥшьҩык арепатриантцәа адепортациа рызун ҳәа адырра ҟаиҵеит.

Ажурналист Инал Ҳашыг апроблема зҵоу астатус аиура акәӡам ҳәа иазгәеиҭеит.

Аҟәа. Хәажәкырамза 13, 2025 шықәса. Аԥсныпресс. Атәыла аԥыза-министр инапынҵақәа назыгӡо Владимир Делба асоциалтә еиқәыршәареи адемографиатә политикеи рминистр Руслан Аџьбеи Амилаҭтә Банк ахантәаҩы Беслан Бараҭелиеи алархәны аилацхәажәара мҩаԥигеит.

Аиԥылара иалахәыз иааиԥмырҟьаӡакәа Ареспублика Аԥсны инхо Урыстәылатәи Афедерациа атәылауаа ртәанчаҩратә еиқәыршәара иадҳәалоу актуалра злоу азҵаарақәа ирылацәажәеит.

Аҟәа. Хәажәкырамза 11, 2025 шықәса. Аԥсныпресс. Хәажәкырамза 12 рзы 120-ҩык Аԥснытәи ашколхәыҷқәа хәажәкырамза  12 рзы – Ҟрым аԥшаҳәа аҿы иҟоу жәларбжьаратәи ахәыҷтәы центр (алагерь) «Артек» ахԥатәи аиҭак ахь амҩа иқәлоит.   

Аԥсны аҵара аминистр инапынҵақәа назыгӡо Инал Габлиеи Урыстәылатәи ахәыҷтәы-қәыԥштә центр анапхгаҩы Алеқсандр Кудрышиови ахәыҷтәы лагерь алахәылацәеи урҭ рҭаацәеи ирԥылеит.

Сынтәа аԥснытәи аҵаҩцәа рзы аквота хынтә еиҳахеит.

Инал Габлиа Урыстәыла аҵара Аминистрреи алагерь «Артек» анапхгараҭареи аԥснытәи ахәыҷқәа ирыҭаз хра злоу алшарақәа рзы иҭабуп ҳәа иҳәеит.

Аҟәа. Жәабранмза 28, 2025 шықәса. Жәабран 28 азы Аԥсны Аҳәынҭқарра адәныҟатәи аусқәа рминистр Сергеи Шамбеи Ареспублика Никарагуа Иреиҳаӡоу алхратә хеилак ахантәаҩы Бренда Рочеи Иреиҳаӡоу алхратә хеилак амагистр Леонсо Наит Џьулиани еиԥылеит.

Аҟәа. Хәажәкырамза 1, 2025 шықәса. Аԥсныпресс. Валентина Матвиенко Бадра Гәынба Аԥсны Ахадас иалхра идылныҳәалеит.

Урыстәыла Афедерациа Ахеилак ахантәаҩы инаҵшьны иазгәалҭеит алхрақәа рҿы Гәынба иигаз аиааира ажәлар иара иахь ирымоу агәрагара, напхгаҩык иаҳасабала иҟазшьақәа разхаҵара, идикыло аполитикатә ӡбамҭақәа рзы аҭакԥхықәра аныҟәгара шилшо шаҳаҭра шазнауа.

Аҟәа. Хәажәкырамза 2, 2025 шықәса.  Аԥсныпресс.  Урыстәылатәи Афедерациа Ахада Владимир Путин ҿыц иалырхыз Аԥсны Аҳәынҭқарра Ахада Бадра Гәынба ихьӡала адныҳәаларатә шәҟәы дықәиҵеит.

Аҟәа. Хәажәкырамза 2, 2025 шықәса. Аԥсныпресс. Урыстәылатәи аполитик, азиндырратә наукақәа рдоктор Сергеи Бабурин Аԥсны имҩаԥысыз Аҳәынҭқарра Ахада иалхрақәа заанаҵтәи аихшьаалақәа дрыхцәажәеит.

«Сара гәахәарыла иазгәасҭарц сҭахуп Аԥсны жәлар акыр аамҭа раԥхьа ахатәы стратегиатә мҩа шалнахыз иахьа ҩаԥхьа уи шышьақәнарӷәӷәаз.  Уи Урыстәыла ааигәара аҟазаара, адгылара, аус ацура ауп иаанаго», - ҳәа иҳәеит Сергеи Бабурин.

Аҟәа. Хәажәкырамза 2, 2025 шықәса. Аԥсныпресс. Аԥсны Алхратә комиссиа Хада Жәларбжьаратәи апресс-центр аҿы ажурналистцәа рзы абрифинг мҩаԥысит. Араҟа Алхратә комиссиа Хада ахантәаҩы Дмитри Маршьан дықәгыло Ахада иалхрақәа аҩбатәи атур алҵшәақәа еихшьаалоуп ҳәа аҳәамҭа ҟаиҵеит. Урҭ инарықәыршәаны Бадра Гәынба аиааира игеит ахадарахьы алхрақәа аҩбатәи атур аан, убас ала уи Аԥсны Ахадас далхуп.

Бадра Гәынба иоуит 54,73% абжьқәа. Уи рыбжьы ирҭеит -  54 954-ҩык. Адгур Арӡынба - 41,54%, уи рыбжьы ирҭеит - 41 708 -ҩык.

Аҟәа. Хәажәкырамза 10, 2025 шықәса. Аԥсныпресс. Шәачатәи аҳазалхыҩцәа рекордла ирацәаны Аԥсны иалганы Урыстәылаҟа иргаз амимоза (араӡны лакациа) ашәҟәы иҭаргалеит.

«Ахьтәы ашәҭшьыҵәрақәа» рыиагара амҽхак иҳаҩсыз ашықәс аасҭа ҩынтә еиҳахеит, ҳәа адырра ҟанаҵоит Урыстәылатәи Афедерациа Афедералтә ҳазалхратә Маҵзура Аладатәи аҳазалхратә Усбарҭа апресс-маҵзура.

Ганрацәалатәи амашьынатә аушьҭра-гәаҭаратә Ҭыԥ аҳазалхратә ԥыԥшырҭа «Адлер» аҿы агәаҭара иахысит  400 тонна  инареиҳаны ихьыԥшшәылоу ашәҭшьыҵәрақәа. Жәларбжьаратәи Аҳәса Рымшныҳәа – Хәажәкырамз 8 мышқәак шагыз уахыки ҽнаки рыла ииаргон  25 инаркны 50 тонна рҟынӡа ашәҭ еидара. Иҳаҩсыз ашықәс азы Аԥсны иалганы Урыстәылаҟа идәықәырҵеит 240 тонна амимоза.