Аҟәа. Рашәарамза 11, 2025 шықәса. Аԥсныпресс /Алеқсеи Шамба/.  Ахаша, рашәарамза 11 рзы имҩаԥысит Владислав Арӡынба диижьҭеи 80-шықәса аҵра иазкыз инарҭбаау аилатәара. Аусмҩаԥгатә рхы аладырхәит зеиҳараҩык хаҭала Аԥсны Раԥхьатәи Ахада дырдыруаз аҵарауаа. Аҵарауаа атәыла Раԥхьатәи Ахада иԥсҭазаареи иусуреи еиуеиԥшым аганқәа ирызку ажәахәқәа ҟарҵеит. Ажәахәқәа ирныԥшит Владлислав Арӡынба иҳәынҭқарратә усура адагьы инаукатә ԥсҭазаарагьы, мрагылараҭҵаара, кавказдырра, нарҭҭҵаара.

Аилатәара ҳаҭыр зқәу асас иаҳасабала даҭааит Аҳәынҭқарра Раԥхьатәи Ахада иԥшәмаԥҳәыс Светлана Џьергьениа. Уи Аԥсны Анаукақәа Ракадемиа апрезидент Зураб Џьапуа ҳамҭас илиҭеит иара авторс дызмоу аа-томк иҟоу «Нарҭаа репос». Иара инаҵшьны иазгәеиҭеит, Владислав Арӡынба афырхаҵаратә епос аҭҵаара аҵак ду шаиҭоз, насгьы уи аус акыр дшацхыраауаз.

Аҟәа. Рашәарамза 14, 2025 шықәса. Аԥсныпресс. Атәыла Аҳәынҭқарратә шәарҭадара Амаҵзуреи аҩныҵҟатәи аусқәа Рминистрреи рыла имҩаԥгаз аоператив-ԥшааратә усмҩаԥгатәқәа ирылҵшәаны, рашәарамза 14 рзы даанкылан Жәлар Реизара-Апарламент ԥыхьатәи адепутат Адгәыр Ҳаразиа. Уи иаанкылара рхы аладырхәит Аҳәынҭқарратә шәарҭадара Амаҵзура ахантәаҩы Дмитри Дбари аԥыза-министр ихаҭыԥуаҩ, аҩныҵҟатәи аусқәа рминистр Роберт Кьиути, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.

Аҟәа. Рашәарамза 14, 2025 шықәса. Аԥсныпресс. Аԥсны аҩныҵҟатәи аусқәа Рминистрреи Аҳәынҭқарратә шәарҭадара Амаҵзуреи роперативтә  маҵзурақәа дааныркылеит Жәлар Реизара-Апарламент ԥыхьатәи адепутат Адгәыр Ҳаразиа иҩны деихсит ҳәа игәҩароу 1992 шықәса рзы ииз  Сурмаа Баграта Абесалом-иԥа, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.

Аҟәа. Рашәарамза 14, 2025 шықәса. Аԥсныпресс. Аԥсны адәныҟатәи аусқәа рминистр Олег Барцыц Урыстәылатәи Афедерациа адәныҟатәи аусқәа рминистр ихаҭыԥуаҩ Михаил Галузин ииубилеи идиныҳәалеит.

«Шәара шәзанааҭтә мҩа – ламысцқьала аԥсадгьыл амаҵзуреи адипломатиатә ҟазара иреиҳау астандартқәеи рҿыԥшы хаданы иҟоуп.

Ҷыдала иазгәасҭарц сҭахуп Ареспублика Аԥсни Урыстәылатәи Афедерациеи рыбжьара аиҩызаратәи аимабзиаратәи аизыҟазаашьақәа рыҿиара аус аҿы хаҭала Шәара шәлагала ду.

Аҟәа. Рашәарамза 14, 2025 шықәса. Аԥсныпресс. Герман Арџьениа ахацәа рыбжьара абокс азы  Аладатәи Афедералтә Округ ачемпионат аҿы аиааира игеит.

Атурнир мҩаԥысуан рашәарамза 10 – 14 рзы  Астрахан ақалақь аҿы. Уи еизнагеит Алада Урыстәыла иреиӷьу аспортсменцәа.

Аҟәа. Рашәарамза 14, 2025 шықәса. Аԥсныпресс. Инал Гаделиа Армавир ақалақь аҿы имҩаԥысуаз ахацәа рыбжьара абокс азы Аладатәи Афедералтә Округ ачемпионат аҿы аџьазтә медал игеит.    Аицлабрақәа мҩаԥысит рашәарамза 14 рзы Армавир ақалақь аҿы. Уи рхы аладырхәит 200-ҩык инареиҳаны алахәылацәа.

Аҟәа. Рашәарамза 15, 2025 шықәса. Аԥсныпресс. Аԥсны Аҳәынҭқарра Ахада Гәынба Бадра Иусԥҟала, Аԥсны Аҳәынҭқарра Арбџьар мчқәа аррамаҵзурауааи атәылауаҩратә усзуҩцәеи амедицинатә цхыраара рыҭараҿы иҟаиҵаз алагаламҭазы "Аԥсны Аҳәынҭқарра зҽаԥсазтәыз аҳақьым" ҳәа аҳаҭыртә хьӡы ихҵоуп:

Аԥсны Аҳәынҭқарра Атәылахьчара аминистрра Арратә хәышәтәырҭа хада аҳақьым-аԥсихотерапевт Аҳашба Беслан Гьаргь-иԥа.

Аҟәа. Рашәарамза 15, 2025 шықәса. Аԥсныпресс. Аԥсны Аҳәынҭқарра Ахада Бадра Гәынба амедицинатә усзуҩцәа рзанааҭтә ныҳәа рыдиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәу Аԥсны Аҳәынҭқарра амедицинатә усзуҩцәа! 

Гәык-ԥсык ала ишәыдысныҳәалоит Амедицина аусзуҩы имш! Абри амш аҽны иҭабуп ҳәа расҳәарц сҭахуп ҵакыла зегь раԥхьа игылоу азанааҭ змоу, ауаҩы игәабзиареи иԥсҭазаареи знапы иану ауаа. Шәара шәус иҳаракӡоу азанааҭдырреи, ауаҩы ибзиабареи, ахамеигӡареи зҭаху усуп.

Аҟәа. Рашәарамза 15, 2025 шықәса. Аԥсныпресс. Аԥсны Аҳәынҭқарра Ахада Гәынба Бадра Иусԥҟала агәабзиарахьчара аусхк аҟны алшамҭақәеи шықәсарацәалатәи ламысцқьала аусуреи рзы «Аԥсны Аҳәынҭқарра зҽаԥсазтәыз аҳақьым» ҳәа аҳаҭыртә хьӡы рыхҵоуп:

Аҟәа. Рашәарамза 13, 2025 шықәса. Аԥсныпресс. Апарламент аҿы абиуџьети акредиттә еиҿкаарақәеи ашәахтәқәеи афинансқәеи рзы апарламенттә Еилакы инарҭбаау аусуратә еилатәара мҩаԥысит.

Апарламенттә еилацәажәарақәа Аԥсны атуризм аиҿкаара азҵаара иадҳәалан. Уахь ааԥхьара рыҭан ашәахтәқәеи аизгақәеи рминистр Едгар Бениеи атуристтә бизнес ахаҭарнакцәеи.