Аҟәа. Ажьырныҳәамза 13, 2026 шықәса. Аԥсныпресс. Аԥсны Аҳәынҭқарратә хортә капелла афедералтә программа «Мы – Россия» аҳәаақәа ирҭагӡаны ажьырныҳәамза 16 – 19,  2026 шықәса рзы Нижни Новгороди Москвеи иқәгылараны иҟоуп, ҳәа адырра ҟанаҵоит Аԥсны акультура Аминистрра.

Аҟәа. Ажьырныҳәамза 13, 2026 шықәса. Аԥсныпресс. Аҳәынҭқарра Ахада Бадра Гәынба Аԥсны жәлар Ажьырныҳәа рыдиныҳәалеит.

«Ҳаҭыр зқәу Аҧсны жәлар! Гәык-ҧсык ала ишәыдысныҳәалоит Ажьырныҳәа!

Аҟәа. Ажьырныҳәамза 13, 2026 шықәса. Аԥсныпресс. Ажьырныҳәа, мамзаргьы Адунеи ацәырҵра Амш – аԥсуаа рҿы традициала жәытә-натә аахыс ишьақәгылахьоу аныҳәақәа иреиуоуп.  Уи ажьырныҳамза 13 - 14 ауха ауп ианазгәарҭо. 

Аҟәа.  Ажьырныҳәамза 12, 2026 шықәса. Аԥсныпресс. Гагра араион Ахадара Аџьынџьтәылатәи еибашьра Дуӡӡа аветеран Евдокиа Котлиарова луада аиҭашьақәыргылара иалагеит.

Гагра араион ахада ихаҭыԥуаҩ Адамыр Цышба Аԥсныпресс ахь иҟаиҵаз адыррақәа рыла, ахарџьынҵа еиқәыршәоуп, аусурақәа хацыркуп. Уажәы иблыз ауаҭахқәа рҿы арыцқьаратә усмҩаԥгатәқәа мҩаԥысуеит.

Аҟәа. Ажьырныҳәамза 12, 2026 шықәса. Аԥсныпресс. Аҳәынҭқарратә ҳазалхратә Еилакы аҿы 2025 шықәсазы имҩаԥгаз аусура аихшьаалақәа ҟарҵеит.

 2025 шықәсазы ареспублика аҳазалхратә усбарҭақәа рыла абиуџьет иахыԥхьаӡалахеит 4 млрд. 537 млн. аҳазалхратә шәатәқәа. Убри аан аплан ала иазԥхьагәаҭан 4 млрд. 501,6 млн. мааҭ, ҳәа адырра ҟанаҵоит Аҳәынҭқарратә ҳазалхратә Еилакы апресс-маҵзура.

Аҟәа. Ажьырныҳәамза 12, 2026 шықәса. Аԥсныпресс Аҩныҵҟатәи аусқәа Рминистрра анаркотикатә маҭәашьарқәа реикәыршара ахылаԥшреи аҿагылареи рзы Аусбарҭа аусзуҩцәеи ашьаусԥшааратә усбарҭа аусзуҩцәеи қәҿиарала имҩаԥыргаз аоперативтә усмҩаԥгатә иабзоураны иааныркылеит ҩыџьа аҳәса. Урҭ анаркотикатә маҭәашьарқәа Аԥсны иахьаҵанакуа изакәанымкәа рыҵәахреи рыҭиреи рҿы игәҩароуп.

Аҟәа. Ажьырныҳәамза 12, 2026 шықәса.  Аԥсныпресс. Аԥсны аимадаразы Аҳәынҭқарратә Еилаки Нижегородтәи анџьныр-економикатә университети аусеицуразы аиқәшаҳаҭра рыбжьарҵеит.  

Аусшәҟәы рнапы аҵарҩит аимадареи амассатә коммуникациақәеи ацифратә ҿиареи рзы Аҳәынҭқарратә Еилакы ахантәаҩы Роланд Берулааи Нижегородтәи анџьныр-економикатә университет аректор Анатоли Шамини.

Аҟәа. Ԥхынҷкәынмза 27, 2025 шықәса. Аԥсныпресс. Апремиа «Аԥыза қәыԥш» анашьара мҩаԥысит асабша, ԥхынҷкәынмза 27 рзы  Аҟәа ақалақь аҿы.

Иахьа Аҟәа еилкаахеит 2025 шықәсазы иреиӷьу «Аԥыза қәыԥш» аԥхьахә аҟны иалкаахаз рыхьӡқәа. Иҷыдоу акомиссиа аминистррақәа, аҳәынҭқарратә еилакқәа, аӡбарҭақәа, аҭыԥантәи анаԥхгараҭарақәа, Апарламент, Аминистрцәа реилазаара, апрокуратура Хада, Аҳәынҭқарратә телерадиоеилахәыра, Амилаҭтә банк рҟынтәи иреиӷьу аусзуҩцәа ҿарацәа алнахит.

Аԥыза қәыԥшцәа ирыдныҳәаларц иааит Аҳәынҭқарра Ахада Бадра Гәынба, Аҳәынҭқарра Ахада ихаҭыԥуаҩ Беслан Бигәаа, атәыла аԥыза-министр Владимир Делба, Жәлар Реизара-Апарламент Аиҳабы Лаша Ашәба.

Аҟәа. Ԥхынҷкәынмза 27, 2025 шықәса. Аԥсныпресс. Асамбист Инал Гаделиа 2025 шықәсазы Аԥсны иреиӷьу аспортсмен ҳәа далкаауп.

2025 шықәсазы Инал Гаделиа  Ареспублика Белорусь Ахада Алеқсандр Лукашенко иҳамҭақәа рзы асамбо азы Жәларбжьаратәи атурнир аҿы аџьазтә аԥхьахә игеит, аспорттә самбо азы IX Жәларбжьаратәи аицлабрақәа Гран-При «Ареспублика Ҭаҭарсҭан Ахраҿа» аиуразы атурнир аҿы аиааира игеит.  

Аҟәа. Ажьырныҳәа 10, 2026 шықәса. Аԥсныпресс.  Аԥсны Аҳәынҭқарра  Ахада Бадра Гәынба Багаԥшь ихьӡ зху ашҭаҿы имҩаԥысуаз афестиваль  «Амандарин» аркра даҭааит. Аҳәынҭқарра Ахада афестиваль аиҿкааҩцәеи алахәылацәеи иҭабуп ҳәа реиҳәеит, ҳәа ителеграм-канал аҿы адырра ҟаиҵеит Аҳәынҭқарра Ахада ипресс-маӡаныҟәгаҩ Алхас Ҷолокәуа. Атәыла ахада афестиваль  «Амандарин» асасцәа рзы Аԥсны акультура беиа дырдырразы лшара бзиоуп ҳәа иазгәеиҭеит.